Zaburi 127 - Kifuliiru

Amiija gooshi gali mu lyoka imwa Nahano

1 Ulwimbo lwa Sulumaani. Luli mu yimbwa na ábali mu zamuukira i Yerusaleemu.

¹ Ulwimbo lwa Sulumaani. Luli mu yimbwa na ábali mu zamuukira i Yerusaleemu. Nahano, iri angaba atali ye mu yubaka inyumba, abuubasi bagaaba bayiluhiza ubusha. Nahano, iri angaba atali ye mu langa akaaya, abalaliizi baako bagaaba balaliiri ubusha.

² Abandu, kundu bangazindukiri vyuka kare-kare, banagwejere makeereza mbu lyo bakolera byo bagaalya, bali mu yiluhiza ubusha. Mukuba ngiisi bo Nahano akuuziri, ali mu baheereza byo banaki gwejiiri.

³ Bagala biitu, bulyagagi buhyane ukulyoka imwa Nahano. Yenyene ye mu tuheereza abaana, bibe bihembo.

⁴ Umundu, iri angabuta abaana boꞌbutabana mu busore bwage, bali mu ba nga myambi mu maboko geꞌndwani.

⁵ Ee! Ahiriirwi, ngiisi yoꞌludaha lwage lugiyijwiri mwo. Uyo mundu, ikyanya âye buulane naꞌbagoma baage kwiꞌrembo lyaꞌkaaya, atâye kakazibwe.