Zaburi 126 - Kifuliiru

Amalira gagaki hinduka bushambaale

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. Ikyanya twâli ki shwesirwi mu mbohe i mahanga, Nahano anashubi tugalulira i Sayuni. Twâli riiri nga tukola mu loota ibirooto.

² Twâli gweti tugasheka bweneene, iri tunayimba ku bushambaale. Yikyo kyanya, ibinyamahanga byanakizi deta kwokuno: «E balya, Nahano keera akabayereka amagambo gaꞌkahebuuza bweneene.»

³ Ee! Galya magambo gâli riiri gaꞌkahebuuza, tunakoli shambiiri bweneene.

⁴ E Nahano, ngiisi kwo ukatugashaanira ubwa mbere, kube kwo ugakizi tugashaanira kandi. Tukizi ba ngiꞌshamba lyeꞌNegebu, ikyanya inyiiji ziri mu shubi hinga mwo.

⁵ Ngiisi ábagweti bagabyala ku migenge, bagaki yimbula, iri banabanda akabuuli.

⁶ Ee! Ikyanya bali mu gendi byala imbuto, kundu bakiri mu lira-lira, haliko, bagaki galuka babetwiri imimbu, iri banayimba ku bushambaale.