Zaburi 125 - Kifuliiru

Nahano asokaniini abandu baage

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. Ngiisi ábabiisiri Nahano kwoꞌmulangaaliro, bali mu ba ngoꞌmugazi Sayuni. Yugwo mugazi, gutâye shagale. Si gugayama guli ho, halinde imyaka neꞌmyakuula.

² Nga kweꞌmigazi isokaniini akaaya keꞌYerusaleemu, kwo na kwokwo Nahano asokaniini abandu baage, ukulyokera buno, halinde imyaka neꞌmyakuula.

³ Banangora-mabi batagakizi twala hiꞌgulu lyaꞌbandu biija. Báki be babatwaziri, hali ikyanya yabo biija bangakengeera bakoleesa ubushobozi bwabo mu kugira amabi.

⁴ E Nahano, balya bandu biija, imitima yabo igolosiri. Aaho! Ukizi bagirira amiija.

⁵ Si ábali mu sookeraga mu njira zoꞌkunyoka-nyoka boohe, Nahano agabayimula kuguma na banangora-mabi. Abahisiraheeri bakizi longa umutuula.