Zaburi 124 - Kifuliiru

Nahano ali mu tutabaala

1 Izaburi ya Dahudi. Iri mu yimbwa na ábali mu zamuukira i Yerusaleemu.

¹ Izaburi ya Dahudi. Iri mu yimbwa na ábali mu zamuukira i Yerusaleemu. Nahano átaki be ali uluhande lwitu. (Yago magambo, Abahisiraheeri bakwaniini bashubi gadeta.)

^2-3 Ku kyanya abagoma biitu bakaturakarira, banatuteera, Nahano átaki baagage ali uluhande lwitu, yabo bagoma bâli bagatumira, tunakiri bagumaana.

⁴ Balya bagoma, bâli riiri nga migezi. Amiiji gaayo, gâli gagatuyifuka kwo, ganatubindikire.

⁵ Galya miiji gâli mingi, ganâli gagatuhunguukana.

⁶ Tukizi huuza Nahano! Mukuba yabo bagoma, atakabaleka kwo batujanganule.

⁷ Tuli nga kanyuni ákakafuuka mu mubashu gwoꞌmutezi. Ee! Gulya mubashu gukavunika, twanafuuka.

⁸ Ubutabaazi bwitu, tuli mu bulongera kwiꞌziina lya Nahano, ulya úkalema igulu neꞌkihugo.