Zaburi 123 - Kifuliiru

Ngweti ngalegamira Nahano

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. E Nahano, ngweti ngakulegamira ho uli mwiꞌgulu. Ee! Haaho heꞌkitumbi kyawe kiteeresirwi.

² Amasu gaꞌbaja, gali mu lola ku sheebuja. Noꞌmuja-kazi, ali mu lola ku nabuja. Kwokwo nyiitu, amasu giitu gagweti gagaalola ku Rurema Nahamwitu, halinde atuyuvwirwe indengeerwa.

³ E Nahano, ugirage utuyuvwirwe indengeerwa. Si tukoli gayiriziibwi! Utuyuvwirwe indengeerwa, maashi!

⁴ Abanabwihemye, si bâli kizi tuhonyoleza! Keera banatulibuza bweneene. Ee! Balya banabwikangaate, keera bakatunegura ngana.