Zaburi 122 - Kifuliiru

Akaaya keꞌYerusaleemu, mukizi kahuunira

1 Izaburi ya Dahudi. Luli mu yimbwa na ábali mu zamuukira i Yerusaleemu.

¹ Izaburi ya Dahudi. Luli mu yimbwa na ábali mu zamuukira i Yerusaleemu. Ikyanya nꞌgabwirwa kwo tugendage ha nyumba ya Nahano, nanashambaala ngana-ngana.

² E Yerusaleemu, tukoli yimaaziri ha miryango yeꞌnzitiro zaawe.

³ Akaaya keꞌYerusaleemu, ngiisi kwo kakayubakwa, inyumba ziyegeriini.

⁴ Imilala yaꞌBahisiraheeri, haaho ho bali mu zamuukira, gira bagendi huuza iziina lya Nahano. Iyo migeeza, Abahisiraheeri bakoli gihaabirwi.

⁵ Abandu ba mwiꞌkondo lya mwami Dahudi, haaho, ho bateresiri ibitumbi byoꞌkutwira kweꞌmaaja.

⁶ Yako kaaya keꞌYerusaleemu, mukizi kahuunira umutuula, munadete kwokuno: «Ngiisi ábakukuuziri, bakizi langwa bwija.

⁷ Mu kati keꞌnzitiro zaawe, mukizi ba umutuula. Na mu nyumba zaawe nzitire, abandu bakizi langwa mwo bwija.

⁸ E kaaya keꞌYerusaleemu, hiꞌgulu lya beene witu naꞌbiira biitu, ngakizi deta kwo ukizi ba mwoꞌmutuula.

⁹ E Yerusaleemu, mu mwawe, mwo muli inyumba ya Rurema Nahamwitu. Kwokwo, ndoziizi kwo ukizi genduukirwa.»