Zaburi 121 - Kifuliiru

Ubutabaazi bwani bugalyoka hayi?

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. Ngweti ngalegamira ku migazi. Aaho! Ubutabaazi bwani bugalyoka hayi?

² Niehe, ngabulongera imwa Nahano, ulya úkabumba igulu neꞌkihugo.

³ Nahano agweti agakulanga. Atagaaleka ulushando lwawe luyibindikire. Ee! Ayamiri akulaaziri, atanâye hunire.

⁴ Umulaazi waꞌBahisiraheeri, atali mu yihunikira, atanali mu hunira.

⁵ Nahano agweti agakulanga. Ikizunguza kyage, kiri mu kusiikira, utababuke niꞌzuuba.

⁶ Izuuba litagakubabula ku kyanya kyoꞌmulege-rege. Kiri na bushigi, umwezi gutagakizi kugira buligo.

⁷ Nahano agakizi kulanga na ngiisi mabi gooshi. Agagenderera ukukizi kulanga, ukizi ba mugumaana.

⁸ Nahano agakizi kulanga mu kugenda kwawe, na mu kugaluka kwawe. Agagenderera ukukizi mùlanga, ukulyokera buno, halinde imyaka neꞌmyakuula.