Zaburi 110 - Kifuliiru

Ukuyimikwa kwoꞌmwami

1 Izaburi ya Dahudi.

¹ Izaburi ya Dahudi. Nahano akabwira Nahamwitu: «Ubwatalage uluhande lwani lweꞌlulyo, halinde mbiike abagoma baawe mwiꞌdako lyaꞌmagulu gaawe.»

² Nahano agatondeerera i Sayuni, anakizi yajabula ubutwali bwawe halinde unabe mutwali waꞌbagoma baawe.

³ Ikyanya ugagendi balwisa, abandu baawe bagakuyibiika kwo. Ikyanya ugatondeera ukutwala, ugaaba uyambiiti imirondo mitaluule. Imisi yawe, igakizi ba mihyahya ngiisi lusiku, nga kimi kya shesheezi.

⁴ Nahano keera akatugirira umuhango, ataganaki guyishuhiza kwo. Akadeta kwokuno: «Wehe, ugayama uli mugingi weꞌmyaka neꞌmyakuula, ukukulikirana noꞌbugingi bwa Merikisedeeki.»

⁵ Nahano ali uluhande lwawe lweꞌlulyo, gira akizi kulanga. Ulusiku lwo agaraakara, agafuta-futa abaami beꞌmahanga.

⁶ Yago mahanga, ikyanya agagahana, gagaaba gayijwiri ibirunda, anayite abatwali baago booshi.

⁷ Haliko, umwami yenyene, ikyanya akiri mu njira, agakizi nywa ku magoloovi ágali mu hinga. Kwokwo, kwo mwami agakizi hima abagoma.