Hisaaya 12 - Kifuliiru

Ulwimbo lwoꞌkuhuuza Rurema

¹ Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

² «Lolagi ngiisi kwo Rurema akayiji ngiza! Ye mu mbimira, ye nali mu mbiika mwoꞌbushobozi. Kwokwo, ndagaki yoboha, si ngakizi múbiika kwoꞌmulangaaliro, iri ninamúyimbira.»

³ Ikyanya mugakizibwa, lyo mugashambaala bweneene, nga ku kyanya muli mu vwoma amagoloovi mu shyoko.

⁴ Ku yikyo kyanya, mugaadeta: «Mutange kongwa imwa Nahano! Mukizi múyivuga. Mubwire abandu beꞌmahanga gooshi ngiisi kwo akagira, na ngiisi kwo ali mukulu bweneene.

⁵ Mukizi yimbira Nahano inyimbo zoꞌbwivuge! Mukuba, keera akakola amagambo gaꞌkahebuuza. Aaho! Ngiisi kwo akagira, mugendi kumenyeesa mu bandu booshi ba mu kihugo.

⁶ Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»