Hayubu 25 - Kifuliiru

Ishuvyo lya Biridaadi

¹ Ha nyuma, Biridaadi weꞌShuha anashuvya kwokuno:

² «Rurema ahiiti ubushobozi bweneene, anakwaniini ukusimbahwa. Halinde kiri na mwiꞌgulu, ye mu tegeka byoshi.

³ Aaho! Nyandi úwangaharuura abasirikaani baage? Si umulengeerwe gwage, guli mu moleka hooshi mu kihugo!

⁴ «Kwokwo, ndaaye úwangakwanana imbere lya Rurema. Mu booshi ábakabutwa naꞌbakazi, ndaaye úwangayihumeera kwo ali mweru.

⁵ Rurema ali noꞌbulangashane ukuhima umwezi. Analangashiini bweneene ukuhima indonde.

⁶ Si abandu boohe, bali mu ba nga bitwera. Bali mu fwa naaho, nga bizimu.»