Vosavakaibalebale 29 - AI VOLA TABU

¹ O KOYA, ni sa dauvunauci sa vakadomoqataki koya, ena vakarusai vakasauri, ka sega na ka me bula kina.

² Ni ra turaga na yalododonu, sa ra reki na tamata: ia ni sa lewa ko ira nai valavala ca, era sa tagi na tamata.

³ A tamata sa vinakata na vuku sa vakamarautaki tamana: ia ko koya sa tiko vata kei ira na dauyatagane sa vakacacana na nonai yau.

⁴ A tui sa lewa vakadodonu, sa vakadeitaka na vanua: ia ko koya sa dautaura nai cabocabo, sa vukica.

⁵ A tamata sa veicavilaki vua na kai nona, sa kitaka na lawa me rawa na yavana.

⁶ Ni sa caka cala na tamata ca, sa tacori kina: ia na yalododonu sa daumeke ka marau.

⁷ Sa vakanananu na yalododonu ki na nona tiko vakaca na dravudravua: ia na tamata ca sa sega ni via kila kina.

⁸ Sa ra tamata dauveivakalialiai sa tacori kina na koro: ia ko ira na tamata vuku era vakadaroya na cudru.

⁹ Ke rau sa veileti na tamata vuku kei koya na tamata lialia, se cudru se dredre, ke sa sega ni vakacegu.

¹⁰ O ira na ligaca era sa cati koya sa yalododonu: ia ko ira na yalododonu era gumatua me vakabulai koya.

¹¹ Sa cavuta kece na lomana na yalolialia: ia ko koya sa vuku sa tiko mada, sa qai vosa.

¹² Ke vakarorogo na turaga ki na vosa lasu, ke sa tamata ca ko ira kece na nonai talatala.

¹³ A kaisi kei na turaga erau soqoni vata: sa vakararamataka ko Jiova na matadrau ruarua.

¹⁴ A tui sa lewai ira vakadodonu na dravudravua, ena vakataudeitaki me tawa oti na nonai tikotiko.

¹⁵ A kuita kei na vunau sa vakayacora na vuku: ia na gone sa biu wale tu sa vakamaduataki tinana.

¹⁶ Ni ra lewe vuqa mai na tamata ca, sa levu mai nai valavala ca: ia ko ira na caka dodonu era na kunea na kedra bale.

¹⁷ Mo vakavulica na luvemu, ena vakacegui iko: io, ena vakamarautaka na yalomu.

¹⁸ Ni sa sega na parofita, era sa rusa na tamata: ia ko koya sa vakabauta na vunau, sa kalougata ko koya.

¹⁹ Sa bese ni vakavulici e na vosa na dauveiqaravi: ke sa rogoca, ke sa sega ni via vosa mai.

²⁰ O sa kunea li na tamata sa daukusa ni vosa? sa na vuku rawa vei rau ko koya sa lialia.

²¹ O koya sa susuga na nona tamata ni sa gone, ena yaco emuri ko koya o qo mo luvena.

²² A tamata daucudru sa dauvuna na veileti, kei na tamata yalodauveikata sa daulevu na nona caka cala.

²³ A nona viavialevu na tamata ena vakasivoki kina: ia ko koya sa yalomalumalumu ena vakarokorokotaki tiko.

²⁴ O koya sai votavota kaya na daubutako sa cata na yalona dina: sa rogoca na vosavavakini, ia ka sega ga na ka e tukuna.

²⁵ A rerevaka na tamata sai yacoyaco ni cori: ia ko koya sa vakararavi vei Jiova ena tiko vinaka ga.

²⁶ Era lewe vuqa era kere loloma vua sa lewa; ia ka sa maivei Jiova ga na vosa-veilewai e na vukuna na tamata.

²⁷ A tamata tawa dodonu sa ka vakasisila vei ira na yalododonu: a sa ka vakasisila vua na tamata ca ko koya sa yalodina.