Vakatekivu 11 - AI VOLA TABU

Sa vosa e dua ga ko vuravura, 1, 2. Era sa ia me tara e dua na vale cecere: ka vakataqaya-taka na vosa ko Jiova, 3-9. A kaica i Semi, 10-26. A kawa i Tera, kei na nona lako ki Karana, 27-32.

¹ ASA tebenigusu e dua ga ko vuravura kecega, a sa dua ga na kena vosa.

² A sa yaco, ni ra a lako vaka mai cake, era kunea e dua na buca mai na vanua ko Sainari; a ra sa tiko kina.

³ A ra sa veikayaki vakai ira, Tou ia mada, tou cakava na vatu-buli, ka tavuna vaka vinaka. A sai sosomi ni vata na vatu-buli, a sai sosomi ni lase na qele dregadre-gata, vei ira.

⁴ A ra sa kaya, Tou ia mada, tou tara vei keda e dua na koro, ka dua na vale cecere, me yacori lomalagi na delana; tou cakava me rogo kina na yacada, de da sa dui vakasevi yani e dela i vuravura kecega.

⁵ A sa lako sobu ko Jiova me raica na koro kei na vale cecere, era tara na luve ni tamata.

⁶ A sa kaya ko Jiova, Raica, sa dua ga ko ira na tamata, a sa dua ga na vosa vei ira kecega; a ra sa vakatekivu ni kitaka na ka o qo: ia o qo, ena sega e dua na ka me tarovi ira e na ka era nakita me cakava:

⁷ tou ia mada, tou lako sobu, ka vakataqayataka maikea na nodra vosa, me ra kakua kina ni veiki-laki vosa.

⁸ A sa dui vakasevi ira maikina ko Jiova, ki dela i vuravura kecega: a ra sa cegu ni tara tiko na koro.

⁹ O koya sa kacivi kina na yacana ko Pepeli [Taqava]; ni sa vakataqayataka maikea na vosa i vuravura kecega ko Jiova: a sa dui vakasevi ira maikina ko Jiova, ki dela i vuravura kecega.

¹⁰ O QO na kawa i Semi: Sa dua na drau na yabaki i Semi, a sa qai sucu vua ko Arifakisati, ni sa oti na waluvu ka yabaki rua:

¹¹ a sa bula tiko ko Semi, ni sa sucu oti vua ko Arifakisati, ka lima na drau na yabaki, a sa sucu tiko vua na luvena tagane kei na luvena alewa.

¹² A sa bula ko Arifakisati ka tolusagavulu ka lima na yabaki, a sa qai sucu vua ko Sela:

¹³ a sa bula tiko ko Arifakisati, ni sa sucu oti vua ko Sela, ka va na drau ka tolu na yabaki, a sa sucu tiko vua na luvena tagane kei na luvena alewa.

¹⁴ A sa bula ko Sela ka tolusagavulu na yabaki, a sa qai sucu vua ko Iperi:

¹⁵ a sa bula tiko ko Sela, ni sa sucu oti vua ko Iperi, ka va na drau ka tolu na yabaki, a sa sucu tiko vua na luvena tagane kei na luvena alewa.

¹⁶ A sa bula ko Iperi ka tolusagavulu ka va na yabaki, a sa qai sucu vua ko Peleki:

¹⁷ a sa bula tiko ko Iperi, ni sa sucu oti vua ko Peleki, ka va na drau ka tolusagavulu na yabaki, a sa sucu tiko vua na luvena tagane kei na luvena alewa.

¹⁸ A sa bula ko Peleki ka yabaki e tolusagavulu, a sa qai sucu vua ko Riku:

¹⁹ a sa bula tiko ko Peleki, ni sa sucu oti vua ko Riku, ka rua na drau ka ciwa na yabaki, a sa sucu tiko vua na luvena tagane kei na luvena alewa.

²⁰ A sa bula ko Riku ka tolusagavulu ka rua na yabaki, a sa qai sucu vua ko Seruke:

²¹ a sa bula tiko ko Riku, ni sa sucu oti vua ko Seruke, ka rua na drau ka vitu na yabaki, a sa sucu tiko vua na luvena tagane kei na luvena alewa.

²² A sa bula ko Seruke ka tolusagavulu na yabaki, a sa qai sucu vua ko Neori:

²³ a sa bula tiko ko Seruke, ni sa sucu oti vua ko Neori, ka rua na drau na yabaki, a sa sucu tiko vua na luvena tagane kei na luvena alewa.

²⁴ A sa bula ko Neori ka ruasagavulu ka ciwa na yabaki, a sa qai sucu vua ko Tera:

²⁵ a sa bula tiko ko Neori, ni sa sucu oti vua ko Tera, ka yabaki e dua na drau ka ti-nikaciwa, a sa sucu tiko vua na luvena tagane kei na luvena alewa.

²⁶ A sa bula ko Tera ka vitusagavulu na yabaki, a sa qai sucu vua ko Eparama, ko Neori, kei Erani.

²⁷ A sa vakaoqo na kawa i Tera: Sa sucu vei Tera ko Eparama, ko Neori, kei Erani; a sa sucu vei Erani ko Loti.

²⁸ A sa ciba ko Erani e na mata i tamana ko Tera, e na vanua ka sucu kina, io mai Uri mai Kalitia.

²⁹ A rau a laʼki taura na watidrau ko Eparama kei Neori, a yaca ni wati i Eparama ko Serei: ia na yaca ni wati i Neori ko Milika, na luve i Erani, o ko va na tama i Milika kei na tama i Isika.

³⁰ A sa yava ko Serei; sa sega na luvena.

³¹ A sa kauti Eparama na luvena ko Tera, kei Loti na luve i Erani, na luve i luvena, kei Serei na vugona, a wati i Eparama na luvena; a ratou a lako tani vata mai Uri mai Kalitia, ka me ratou lako ki na vanua ko Kenani: a ratou a yaco ki Karana, a ratou a tiko mai kina.

³² Ia na siga i Tera sa rua na drau ka lima na yabaki: a sa ciba ko Tera mai Karana.