Vakarua 34 - AI VOLA TABU

Sa raici Kenani ko Mosese mai na ulu-ni-vanua, 1-4. Sa ciba maikina, 5-8. Sa mai kenai sosomi ko Josua, 9. A parofita levu ko Mosese, 10-12.

¹ A SA lako cake ko Mosese mai na cecelevu ni Moapi ki na ulu-ni-vanua ko Nipo, ki na dela i Pisika, a ya sa donui Jeriko. A sa vakaraitaka vua ko Jiova na vanua taucoko ko Kiliati, ka yacovi Tani,

² kei Nafitali kece, kei na vanua nei Ifireimi, kei Manase, kei na vanua taucoko nei Juta, ka yacova na waitui mai ra,

³ kei na yasa ni ceva, kei na cecelevu mai na buca mai Jeriko, na koro ni balabala, ka yacovi Soeri.

⁴ A sa kaya vua ko Jiova,

⁰ qori na vanua kaʼu a vosavavakini kina vei Eparaama, vei Aisake, kei Jekope, ka kaya, Au na solia ki na nomu kawa: au sa vakaraitaka ki na matamu, ia ko na sega ga ni lako yani kina.

⁵ A sa mate maikea ko Mosese nai talatala i Jiova e na vanua ko Moapi, me vaka na vosa i Jiova.

⁶ A sa buluti koya ko koya e na buca e na vanua ko Moapi, sa donui Peci-piori: ia ka sa sega na tamata sa kila na nonai bulubulu ka yacova na siga o qo.

⁷ A sa dua na drau ka ruasagavulu na yabaki i Mosese ni sa ciba: sa sega ni butobuto mai na matana, ka sa sega ni matamu mai na nona kaukauwa.

⁸ A ra sa tagicaki Mosese na luve i Isireli mai na cecelevu ni Moapi ka tolusagavulu na bogi: a sa qai oti na bogi sa yasovaki kina ko Mosese e na tagi.

⁹ Ia ko Josua na luve i Nuni sa sinai e na yalo vuku; ni sa tabaki koya oti e na ligana ko Mosese: a ra sa vakarorogo vua na luve i Isireli, ka kitaka na ka sa vunautaka vei Mosese ko Jiova.

¹⁰ A sa sega ni tubu emuri e Isireli e dua na parofita me tautauvata kei Mosese, o koya sa veiraici mata kaya ko Jiova,

¹¹ e nai vakatakilakila, kecega kei na cakacaka-mana, sa talai koya kina ko Jiova me cakava e na vanua ko Ijipita kivei Fero, kei na nonai talatala kecega, kei na nona vanua taucoko,

¹² kei na liga kaukauwa kecega ko ya, kei na veirerevaki levu sa cakacaka kina ko Mosese e na matadra kecega na Isireli.