Taniela 11 - AI VOLA TABU

Sa veivaluti kei Perisia ko tui Kirisi, ka rukica, 1-4. Sa to vata na tui ni ceva kei na tui ni tokalau, ka oti, erau sa veivala tale tikoga, 5-28. Sa lako mai nai valu mai Roma, ka ia na nodrai valavala kaukauwa, 29-45.

¹ OI au talega, e nai matai ni yabaki i Tario na kai Metia, kaʼu a tu me vakataudeitaka ka vakaukauwataki koya.

² Ia kaʼu na qai tukuna vei iko na kena dina. Raica, ena tolu tale na tui me tui Perisia, ia na kenai kava ena vutuniyau vakalevu vei iratou kecega: ia ni na kaukauwa ko koya e na vuku ni nonai yau, ena vakauqeti ira kece kina me vala kei na matanitu ko Javana.

³ Ena qai tu cake mai e dua na tui qaqa, ia ena ka levu sara na nona matanitu, ena cakacaka talega ko koya me vaka na nona veitalia.

⁴ Ia ni sa qai tu cake sara ko koya, ena musuki mai na nona matanitu, ka wase va kivakaki na mata ni cagi e va kei lomalagi; ka sega vei ira na nona kawa, ka sega talega me tauvata kei na nona matanitu ka lewa: ni na cavuivuvu na nona matanitu, me nodratou na tani ka sega ni nodra o qori.

⁵ Ia ena kaukauwa mai ko koya na tui ni ceva, kei na dua talega vei iratou na kena turaga ko ya; ia ko koya o qo ena kaukauwa vei rau, ena lewa talega ko koya; a nona matanitu sa na matanitu levu.

⁶ Ia ni sa oti na yabaki e so, erau na to vata; ia na luvena alewa na tui ni ceva ena lako mai vua na tui ni tokalau me ia na vakadonudonu: ia ena tawa rawata tiko na kaukauwa ko koya; ena sega talega ni dei ko tamana, se na nona kaukauwa: ia ena soli ga yani ko koya na alewa, kei ira ka kauti koya, kei na nona kawa, kei koya ka vakacegui koya e na gauna ko ya.

⁷ Ia ena tubu e dua na coke mai na wakana mei sosomi kei koya ko tamana, ena lako mai ko koya kei na nonai valu, ka curuma na koro kaukauwa ni tui ni tokalau, ka ia kei ira, ka gumatua:

⁸ ia na nodra kalou, kei na nodra turaga, kei na nodrai yaya talei e siliva ka koula, ena kauta vakabobula talega ko koya ki Ijipita; ia ena tiko ko koya ka vuqa na yabaki ka lailai na nona na tui ni tokalau.

⁹ Ia ena laʼki curuma vakaoqo na kena matanitu ko koya na tui ni ceva, ka lesu tale yani ki na nona vanua.

¹⁰ Ia ko ira na luvena na tui ni tokalau ena cudru mai, ka vakasoqona vata nai vavakosoi valu e lewe vuqa: ia ena lako vakaidina e dua na turaga, ka luvuca, ka lako basika: ena qai lesu ko koya, ka mani cudruva sara na nona koro kaukauwa.

¹¹ Ia ena yaloca mai na tui ni ceva, ka lako mai me mai vala kaya na tui ni tokalau: ena biuta mai ko koya nai vavakoso levu; ia e dua nai vavakoso ena soli ki na ligana.

¹² Ia ni sa rawa nai vavakoso, ena laveti cake na lomana, ni sa vakabalea na lewe oba wale: ia ena sega ga ni kaukauwa kina ko koya.

¹³ Ni na baki lesu tale na tui ni tokalau, ka mani biuta tale nai vavakoso levu ka lailai eliu, ia ni sa oti na yabaki e so ena lako vakaidina yani ko koya kei nai valu levu kei nai yau levu.

¹⁴ Ia e na gauna ko ya ena lewe vuqa era na tu cake mai me vala kaya na tui ni ceva: o ira talega na kai nomu era yalokaukauwa era na vakalevulevui ira, me ra vakayacora na raivotu; a ra na bale ga.

¹⁵ Ia ena bau lako ko koya na tui ni tokalau, ka viri suva, ka kabata na veikoro sa kaukauwa sara: ia nai valu mai na ceva ena sega ni tu rawa, se na nona tamata digitaki, ena sega talega na nodra kaukauwa me tu rawa.

¹⁶ Ena cakacaka ga ko koya sa mai vala kaya me vaka na nona veitalia, ena sega talega e dua me tu rawa e matana: ena mai tiko talega ko koya o na vanua matalau, ena kani oti talega e nonai valu.

¹⁷ Ia ena vagolea na matana ko koya me laʼki curu kei na kaukauwa ni nona matanitu taucoko, kei ira vata kaya na tamata dodonu; ena cakacaka vakaoqo ko koya: ia e dua na gonealewa marama, sa vakaucacataka ko koya, ena solia vua: ia ena sega ga ni tu dei kaya, se totaki koya.

¹⁸ Ena qai vagolea na matana ko koya ki na veiyanuyanu, ka kabata e vuqa: ia ena muduka ga e dua na turaga ni valu e na vukuna na nona dauveivakalialiai; ka vakasuka vua na nona veivakalialiai.

¹⁹ Ena qai vagolea na matana ko koya ki na koro kaukauwa ni nona vanua dina: ia ena tarabe ga, ka bale, ka yali sara.

²⁰ Ena qai tu taravi koya e dua na dauvakatadu mata vakausausa ki na veivanua sai ukuuku ni matanitu: ia ena tawa bogi vuqa ka musuki ga ko koya, ka sega e na cudru, se nai valu,

²¹ Ena tu taravi koya e dua sa yalova-kasisila, a ra na sega ni solia vua na vakarokoroko ni matanitu: ena yaco kina e na vinaka, ka rawata na matanitu e na dau-veicavilaki.

²² Ia c na taba ni dobui era na uani tani kina e matana, ka kasere; io, ko koya talega na turaga ni veiyalayalati.

²³ Ia ni sa oti na veisorovi kaya ena cakacaka vakailasu ga: ni na lako cake kina ko koya, ka yaco me kaukauwa, ka lewe vica ga na nona tamata.

²⁴ Ki na veiyasana sautu ka uro ni vanua ena laʼki curu kina ko koya, ka cakava na ka e so sa ra tawa cakava na nona qase, se na tamadra na nona qase; io na ka e kovei, kei nai toki ni valu, kei nai yau, ena duibiubiuta vei ira ko koya: io ki na veikoro kaukauwa ena vakavakananuma tiko kina ko koya, ka bogi vica ga.

²⁵ Ia ena vakayadrata ko koya, na nona kaukauwa, kei na nona qaqa me vala kaya na tui ni ceva e na mataivalu levu; ia na tui ni ceva ena vakauqeti me vala kaya e na mataivalu levu sara ka kaukauwa; ia ena tawa tu rawa ko koya, ni ra na vakananuma na kena vere me ca kina.

²⁶ Io, ko ira era kania na nona magiti, era na vakarusai koya, ia na nonai valu ena vaka na dobui, a ra na bale ga ka mate e lewe vuqa.

²⁷ Ia ena lomadrau ruarua na tui o qori me caka ca, e nai kanakana e dua talega erau na vosa lasu kina; ena sega ga ni yaco: ni na yaco na kenai otioti e na kenai loku.

²⁸ Ena qai lesu yani ko koya ki na nona vanua ka levu nai yau e kauta; ia na lomana ena ca mai ki na veiyalayalati tabu; ena rawata talega, ka lesu tale ki na nona vanua.

²⁹ E na kenai loku ena baki lako tale, ka tadu yani ki na mata ni ceva; ia ena sega ni vaka na nona lako eliu, se kimuri.

³⁰ Ni na mai vala kaya e so na waqa ni Kitimi: ia ena waicala kina, ka lesu, ka cudru mai ki na veiyalayalati tabu, ka rawa; io ena lesu mai ko koya, ka veikilaki kei ira e so era biuta na veiyalayalati tabu:

³¹ ia e dua nai valu ena mai totaki koya, a ra na vakacacana na tikina tabu e kaukauwa, ka vakatakalia nai soro ni veisiga, ka vakaduria na ka vakasisila sa dauveivakarusai.

³² Ia ko ira e so sa ra vakacacataka na veiyalayalati, ena vakau-cacataki ira ko koya e na dau veicavilaki: ia na tamata sa ra kila na nodra Kalou era na gugumatua, ka rawata.

³³ Ia ko ira na tamata yalomatua era na vakavulici ira na lewe vuqa: a ra na bale ga e so e nai seleiwau, kei na yameyame ni buka, kei na veivakabobulataki, kei na veitokitaki, ka bogi vuqa.

³⁴ Ia ni ra sa bale, era na vukei mai e nai vukevuke lailai: ena kabiti ira talega ko ira e lewe vuqa e na dauvei-cavilaki.

³⁵ Ia e so vei ira era yalomatua era na bale, me vakatovolei ira, ka vakasavasavataka, ka vakavulavulataka, ka yacova nai otioti; ni sa bera na kenai loku.

³⁶ Ia ena cakava na tui na nona veitalia; ka laveti koya cake, ka vakalevulevui koya me uasivi vei ira kece na kalou, io vua na nodra Kalou na kalou ena cavuta ko koya na ka e veivakidacalataki, ka cakacaka yaco, ka me oti mada na veicudruvi: ni sa ka e lesi ena caka ga.

³⁷ Ia na Kalou ni nona qase sa na tawa via kila ko koya, se na nodra ka domoni na alewa, se dua tani na kalou, me na via kila ko koya; ni sa ki na ka kecega sa na vakalevulevui koya kina ko koya:

³⁸ ia na kalou ga ni valu sa na vakarokorokotaka ko koya me kedrai sosomi: io na kalou sa ra tawa kila ko ira na nona qase, ena vakarokorokotaka ko koya e na koula, kei na siliva, kei na vatu dredre, kei na ka domoni.

³⁹ Ena vakaoqo na nona cakacaka e na koro kaukauwa sara, vua na kalou tani, sai koya ga ena kila ko koya, ka vakalevulevuya e nai ukuuku: ka cakavi ira me nodra turaga na lewe vuqa; ia na vanua, ena vota ko koya me vakaivoli kina.

⁴⁰ Ia e na gauna ni kenai vakataotioti i ena mai cula vua ko koya na tui ni ceva: ia na tui ni tokalau ena cici vua me vaka na cava, o koya, kei na vale-vodoki, kei na ose, kei na waqa e vuqa; ia ena curuma na vanua e so, ka luvuca, ka lako basika.

⁴¹ Ena curuma talega ko koya na vanua matalau, ka vuqa na vanua ena vukici: ia ko ira o qo ena bula mai na ligana, ko Itomi, kei Moapi, kei ira na ulumatua ni luve i Amoni.

⁴² Ena dodoka talega ko koya na ligana ki na veivanua: ia na vanua ko Ijipita ena tawa bula.

⁴³ Ia ena rawata ko koya nai yau sa vuni tu, na koula kei na siliva, kei na ka domoni kecega ni Ijipita: ia na kai Futi kei na kai Kusi ena muria na we ni yavana.

⁴⁴ Ia nai rogorogo mai cake kei na tokalau ena vakidroataki koya: o koya o qo ena lako yani kina e na cudru levu me ia na veivakacacani, ka vaqeavutaka na lewe vuqa.

⁴⁵ Ia ena vakaduria na veivale malo ni nona koro vakaturaga e na kedrau maliwa na waitui e rua e na ulu-ni-vanua tabu e vakaiukuuku; ia ena yacova na nonai otioti, ka sega e dua me na vukei koya.