Taniela 1 - AI VOLA TABU

A WASE I. —Sa vakabobulataki ko Jioiakimi, 1, 2. O Esipinasi, sa kauti iratou ko Tanieli, kei Eneniya, kei Misaeli, kei Asariya, 3-7. Ni ratou sa bese ni kania na magiti i tui Papiloni, sa qai yaga vei iratou na ka ni were kei na wai, 8-16. Eratou sa uasivi cake e na vuku, 17-21.

¹ E NAI katolu ni yabaki ni lewa i Jioiakimi na tui Juta sa lako mai ko Nipukatinesari na tui Papiloni ki Jerusalemi, a sa buku na kena druadrua.

² Ia na Turaga sa soli Jioiakimi na tui Juta ki na ligana, ka so nai yaya ni vale ni Kalou: a sa kauta ko koya ki na vanua ko Sainari ki na vale ni nona kalou; a sa kauta nai yaya ki na vale ni yau ni nona kalou.

³ A sa vosa na tui ki Esipinasi na turaga ni nona mata, me kauti ira e so na luve i Isireli, ka so era kawa ni tui, ka so na turaga;

⁴ na cauravou sa sega na kedra ca, sa ra matavinaka ga, ka yalomatua e na vuku kecega, ka daukila-ka, ka lomama-cala e na vuli ka, ka tamata bula me ra mai tu e na vale ni tui, ka me vakavulici ira e nai vola kei na vosa ni kai Kalitea.

⁵ A sa lesia na tui na kedrai votavota o na veisiga mai na magiti ni tui, kei na waini e so sa gunu kina ko koya: ka me vakani ira tiko ka tolu na yabaki, ka oti me ra qai mai tu e na mata ni tui.

⁶ A sa so vei ira eratou luve i Juta, ko Tanieli, kei Eneniya, kei Misaeli, kei Asariya;

⁷ a sa vakatoka na turaga ni mata e so na yacadratou: ni sa vakayacani Tanieli ko Pelitisasari; kei Eneniya, ko Seteraki; kei Misaeli, ko Mesaki; kei Asariya, ko Apeti-niko.

⁸ A sa lewa oti ko Tanieli e lomana me kakua ni vakadukadukalitaki koya e nai votavota ni magiti ni tui, kei na waini sa gunuva: a sa masuta ko koya na turaga ni mata me kakua ni vakadukadukalitaki kina.

⁹ Ia na Kalou sa vakayacori Tanieli me rau veivinakati ka veilomani sara kaya na turaga ni mata.

¹⁰ A sa kaya na turaga ni mata vei Tanieli, Au sa rerevaka na noqu turaga na tui, o koya sa lesia na kemudou kei na memudou: me raica vakacava ko koya na matamudou … qo ca ka vinaka na matadra na cauravou … A taba vata? ia dou na vakacala kina na uluqu vua na tui.

¹¹ Sa qai kaya ko Tanieli vei Melisari, o koya ka lesia na turaga ni mata me vakaraici iratou ko Tanieli, kei Eneniya, kei Misaeli, kei Asariya,

¹² Mo vakatovolei keitou mada na nomu tamata, ka bogi tini; ia me ra solia vei keitou na ka ni were me keitou kania, kei na wai mo keitou gunuva.

¹³ Me qai raici e matamu na mata i keitou, kei na matadra na cauravou era kania nai votavota mai na magiti ni tui: ka vaka na ka ko raica, mo cakacaka vakakina mai ki na nomu tamata.

¹⁴ A sa vakarorogo vei iratou ko koya e na ka o qo, ka vakatovolei iratou ka bogi tini.

¹⁵ Ia ka oti na bogi e tini, sa raici na matadratou me vinaka ka vakalewe, ka ca na matadra na cauravou kecega era kania nai votavota mai na magiti ni tui.

¹⁶ A sa kauta tani ko Melisari na kedratoui votavota ni magiti, kei na medratou waini; a sa solia vei iratou na ka ni were.

¹⁷ Ia ko iratou na cauravou o qo e lewe va, sa solia vei iratou na Kalou na lomavuku kei na yalomatua e nai vola kecega kei na vuku: a sa vuku ko Tanieli e na raivotu kecega kei na tadra.

¹⁸ Ia ni sa oti na gauna sa vosa kina na tui me qai kauti ira yani, sa qai kauti ira yani na turaga ni mata ki na mata i Nipukatinesari.

¹⁹ A sa veivosaki kei ira na tui; a sa sega ni kune vei ira kecega me tautauvata kei Tanieli, kei Eneniya, kei Misaeli, kei Asariya: o koya o qo eratou sa mai tu kina e na mata ni tui.

²⁰ Ia na ka vakavuku kecega ka vakayalomatua, sa tarogi iratou kina na tui, sa kunei iratou me vuku vakatini cake vei ira kecega na tamata vuku kei na rairai era tiko e nona matanitu kecega.

²¹ A sa tiko ga ko Tanieli ka yacova nai matai ni yabaki i Koresi na tui.