Osea 5 - AI VOLA TABU

A Kalou, sa cudruvi ira na bete mai Isireli, kei na lewe ni vanua, kei ira na turaga, e na vuku ni nodrai valavala ca e vuqa, 1-14, ka me ra veivutunitaka mada, 15.

¹ DOU rogoca na ka o qo, na bete, ka vakarorogo, na mataqali nei Isireli; ia na mataqali ni tui, dou vakatu daliga mai; ni sa kei kemudou na vosa ni veilewai, e na vuku ni dou sai cori mai Misipa, kei na lawa sa tevuki mai Tapori.

² Ia me ra ia na veivakamatei na dauvuki sa titobu kina na nodra vere, ia koi au kaʼu a dauvunauci ira kecega.

³ Oi au kaʼu sa kilai ira na Ifireimi, ia ko ira na Isireli sa ra tawa vuni vei au: ni dou sa qai ia na veibutakoci, na Ifireimi, sa vakadukadukalitaki ko ira na Isireli.

⁴ Sa ra tawa lewa na nodra cakacaka me ra lesu vua na nodra Kalou: ni sa yalo dauveibutakoci sa tiko e lomadra, ia ko Jiova, sa ra tawa kilai koya.

⁵ Ia na nodra viavialevu na Isireli sa tukuni ira e na matanavotu: o koya o qo, o ira na Isireli kei na Ifireimi, era na bale kina e na nodra caka cala; o ira na Juta era na bale vata talega kei ira.

⁶ Era na lako vata kei na nodra sipi kei na nodra karavau, me qarai Jiova; a ra na tawa kunea; sa lako tani vei ira ko koya.

⁷ Sa ra vakaisini Jiova: ni sa gone ni tani sa ra vakasucuma: e na dua ga na vula era na qai vakaoti vata kei na nodrai votavota.

⁸ DOU uvuca na kaukamea mai Kipia, na davui mai Kama; tabalaka na kaila mai Peci-aveni, sa cicimuri iko, Penijamini.

⁹ Ena lala ko Ifireimi e na siga ni veicudruvi: vei ira na veimataqali nei Isireli kaʼu sa vakatakila kina na ka dina.

¹⁰ O ira na turaga ni Juta era sa vakai ira era kisira nai yalayala: ia vei ira kaʼu na sovaraka na noqu cudru me vaka na wai.

¹¹ Sa ra vakasaurarataki na Ifireimi ka musuki e na veilewai, e na vuku ni ra vinakata me muria nai vakaro.

¹² Ia koi au, kaʼu na vaka na sarasara vei ira na Ifireimi, ka vaka na vuca vei ira na mataqali nei Juta.

¹³ Ni ra kunea na Ifireimi na nodra mate, kei ira na Juta na nodra vue, sa ra qai lako na Ifireimi ki Asiria, ka talaki ko ira na Juta vua na tui dauveileti: ka sa tawa vakabulai kemudou rawa, se vakamavotaka na nomudou vue.

¹⁴ Niʼu na vaka na laioni vei ira na Ifireimi, ka vaka na laioni cauravou vei ira na mataqali nei Juta: oi au, io koi au, kaʼu na ia na veidresulaki ka lako tani; au na kauta tani, ka sega e dua me na kaliraka.

¹⁵ Au na laʼki lesu tale ki na noqu tikina, me ra vakatusa mada na nodra ca, ka vakasaqara na mataqu: ni ra sa rarawa, era na qai vakasaqarai au taudonu.