Osea 4 - AI VOLA TABU

Ai valavala ca sa ra cudruvi kina na lewe ni vanua, 1-5, kei ira na bete, 6-10. Sa ka veivakalialiai sara na qarava na kalou lasu, 11-14. Sa ra vakasalataki kina na Juta, ni ra sa kunea na nodra cudruvi na Isireli, 15-19.

¹ DOU rogoca na vosa i Jiova, na luve i Isireli: ni sa dua na veilewai nei Jiova kei ira na lewe ni vanua, e na vuku ni sa sega na vosa dina, se na loloma, se na kila na Kalou e na vanua.

² A ruru, kei na vosa lasu, kei na laba, kei na butako, kei na veibutakoci, sa basu mai, ia na dia sa veitaravi kei na dra.

³ O koya o qo ena tagi kina na vanua, a ra na dui ceguoca kecega era tiko kina, kei na manumanu ni vanua, kei na manumanu ni lomalagi; io, na ika talega ni waitui ena kauti.

⁴ Me kakua ga e dua me veilewai, se veivunauci kaya e dua; ni sai ira na kai nomu era vakataki ira era sa ia na veilewai kaya na bete.

⁵ O koya o qo ko na toqi kina e na siga, ia drau na toqi vata kaya talega na parofita kei na bogi, au na vakarusai koya talega na tinamu.

⁶ Sa ra rusa na noqu tamata e na vuku ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, oi au talega, kaʼu na guilecavi ira na luvemu,

⁷ Me vaka ni ra tubu mo levu, sa tubu vakakina na nodrai valavala ca vei au: na nodra lagilagi kaʼu na vukica me madua.

⁸ Ai soro ni nodrai valavala ca na noqu tamata era sa kania, ia na nodra caka cala sa ra gadreva e na vu ni yalodra.

⁹ Ia ena yaco, me vaka ko ira na tamata, ena vaka talega kina ko koya na bete: ia kaʼu na cudruvi ira e na vuku ni nodrai valavala, io, na nodra cakacaka kaʼu na sauma vei ira.

¹⁰ Ni ra na kana, ka sega ni mamau; era na ia na veibutakoci, ka sega ni tubu: ni sai Jiova era sa mudu ni qarava.

¹¹ A dauyalewa kei na waini kei na waini vou sa kauta vakatani na loma ni tamata.

¹² A noqu tamata era sa taroga na nodra kau, ia na nodrai titoko sa tukuna vei ira: ni sa yalo ni veibutakoci sa vakacalai ira, ni ra dauyalewa, sa ra lako tani kina mai na lewa ni nodra Kalou.

¹³ E dela ni veiulu-ni-vanua era sa daucakai soro, e na veiulu-ni-koro talega era sa dauvakacaudreva kina nai madrali boi vinaka, e na ruku ni oki kei na ivi kei na paini, ni sa rugurugu vinaka o qori: o koya o qo era na ia kina na dauyatagane na luvemudou alewa, kei ira na vugomudou, na veibutakoci.

¹⁴ Au na sega ni cudruvi ira na luvemudou alewa ni ra ia na dauyatagane, se na vugomudou ni ra ia na veibutakoci: ni sai ira dina sa ra tawase vata kei na dauyatagane, kei ira talega na dauveitau sa ra cakai soro kaya; ia ko ira sa tawa yalomatua sa ra na viritaki sobu ga.

¹⁵ Kevaka dou sa ia na veibutakoci, na Isireli, me kakua ga ni caka cala ko ira na Juta; ia kakua ni dou cabe cake ki Kilikali, se lako cake ki Peci-aveni, se vosavavakini, ka kaya, Sa bula ko Jiova.

¹⁶ Ni sa vaka ni sa besebese na karavau, sa ra besebese vakakina na Isireli: ena qai vakani ira edaidai ko Jiova me vaka na lami e na yasana rabailevu.

¹⁷ Sa vei-vauci vata kei na matakau ko ira na Ifireimi: laivi ira ga.

¹⁸ Ni sa gunuvi na medra, era sa qai ia sara na veibutakoci: o ira na nodra turaga era sa vinakata na ka e veivakamaduataki.

¹⁹ Sa vauci ira ko cagi e na tabana, me ra madua e na vuku ni nodra dausoro.