Osea 10 - AI VOLA TABU

Sa ra vunauci na Isireli e na vuku ni nodra beca na Kalou, kei na nodra dauqarava na ka lasu, 1-11. Sa ra vakaroti me veivutuni, 12-15.

¹ A VAINI dautubu wale ko ira na Isireli, a vuana sa vuataka ga me kena: mo vaka na kena levu ni vuana, sa ra vakalevutaka vakakina nai cabocabo-ni-soro; me vaka na kena vinaka ni nodra vanua, sa ra cakava na matakau vinaka.

² Sa veisei na lomadra: era na qai cala o qo: ena tamusuka ko koya na nodrai cabocabo-ni-soro, ena vakacacana na nodra matakau.

³ Ni ra na qai kaya o qo, Sa sega na noda tui, ni da sa tawa rerevaki Jiova; ia na tui, a cava me na cakava rawa me noda?

⁴ Era sa cavuta na vosa wale, ni ra vosavavakini vakailasu, ka ia na veiyalayalati: a sa tubu kina na lewa wale mo vaka na co gaga e na tova ni were.

⁵ E na vukudrau na luve ni karavau mai Peci-aveni era na rere kina na kai Samaria: ni na tagicaka ko ira na lewena, o ira na kedrau bete talega ka daurekitaka, e na vuku ni kenai ukuuku, ni sa qai takali tani.

⁶ Io, na ka ko ya talega ena kauti ki Asiria me ka ni loloma vua na tui dauveileti; ena nodra na Ifireimi na madua, io, era na vakamaduataki na Isireli e na vuku ni nodra lewa.

⁷ O Samaria, sa muduki laivi na kena tui, sa vaka na ma-lamala ni kau e dela ni wai.

⁸ Ena vakarusai talega na veiyasana cecere kei Aveni, na vu ni nodrai valavala ca na Isireli: a kau votovotoa kei na co ca ena tubu e na nodrai cabocabo-ni-soro: a ra na kaya ki na veiulu-ni-vanua, Ubi keimami mai; kei na veiulu-ni-koro, Lutuki keimami mai.

⁹ Alai na gauna ni Kipia dou ai valavala ca ga, na Isireli: era a tu dei maikea: ena qai tawa vauci ira nai valu vaka mai Kipia vei ira na gone daucaka cala.

¹⁰ Niʼu sa gadreva meʼu vakanakuitataki ira; ia ena soqoni vata vakaca vei ira ko ira na veimataqali, ni ra sa qai vesuki e na vuku ni nodra caka cala vakarua.

¹¹ Ia ko Ifireimi sa vaka na luve ni karavau sa dauvakavulici, sa vinakata ko koya me butuka na sila; ia koi au, kaʼu na lako voli yani ka voleka ki na domona matavinaka: au na vakavodoka e dua vei Ifireimi; ena ia na cukicuki ko Juta, ena ia na laulau ko Jekope.

¹² Dou kaburaka me nomudou e na ka dodonu, dou tamusuka me vaka na loloma; dou taura me nomudou na qalau; ni sa yaco na gauna me dauvakasaqarai Jiova, me na lako mai ko koya, ka vakavulica na ka dodonu vei kemudou.

¹³ Dou a ia na cukicuki ca, nai valavala ca dou a tamusuka; dou a kania na vua ni lasu: e na vuku ni dou a vakararavi e na nomudoui valavala, ni ra lewe vuqa na nomudou qaqa.

¹⁴ O koya o qo ena tubu kina na ue vei ira na nomudou veimataqali, ia na nomudou koro kaukauwa kecega ena vakacacani, me vaka ni sa vakacacani Peci-aripeli ko Salimani e na siga ni valu: a tina ni gone ka viritaki vata kei na luvena.

¹⁵ Ena cakacaka vakakina vei kemudou ko Peceli e na vuku ni nomudou ca levu sara: e na dua na mataka ena muduki laivi sara na tui Isireli.