Opetaia 1 - AI VOLA TABU

Sa tukuna ni ra na vakacacani na kai Itomi e na vuku ni nodra yaloviavialevu, kei na nodra cati ira na wekadra na luve i Jekope, 1-16. Ena vakabulai ko ira na luve i Jekope, ka gumatua vei ira na nodra meca, 17-21.

¹ A RAIVOTU i Opatiya. Sa vosataka vakaoqo na Turaga ko Jiova na kei Itomi; E dua nai rogorogo oda sa rogoca maivei Jiova, ia sa dua na mata sa talai ki na veimatanitu; Dou tu cake, mo da mai tu cake mo veivaluti kaya.

² Kaica, au sa vakalailaitaki iko e na kedra maliwa na veimatanitu: sa ka levu na nomu beci.

³ A viavialevu ni lomamu sa vakacalai iko, o iko sa tiko e na qara ni uluvatu, a sa cecere na nomui tikotiko; ka sa kaya e lomana, O cei me na kauti au sobu ki na qele?

⁴ Ke ko tiko vakacecere mo vaka na ikeli, ka viritu na nomu sova o na maliwa ni kalokalo, ke maikeri kʼau na kauti iko sobu ga, sa kaya ko Jiova.

⁵ Ko ra lako mai vei iko na daubutako, se na daukove o na bogi, (ulo na nomu muduki laivi!) ke ra na butakoca ga na ka o ganiti ira, se segai? ke ra lako mai vei iko na dauvoti-vaini, ke ra na vakavoca o so na vua-ni-vaini, se segai?

⁶ Na kena vakadikevi ko Iso! sa vakasaqaqara! na nona yasana vuni!

⁷ Ki nai yalayala ni vanua sa na kauti iko ko ira keco na nomui to: sa ra vakaisini iko, ka rawai iko, ko ira na wekamu; o ira dou a kana vata koi ira sa ra cakava na soki e rukumu; sa sega vua na vuku.

⁸ Meʼu sega li o na siga ko ya, sa kaya ko Jiova, meʼu na vakarusai ira tani na tamata vuku mai Itomi, kei ira na yalomatua mai na ulu-ni-vanua nei Iso?

⁹ A ra na taqaya na nomu qaqa, Temani, me ra dui muduki tani kina mai na ulu-ni-vanua nei Iso ni ra vakamatei.

¹⁰ E na vuku ni nomui valavala kaukauwa vua na tacimu ko Jekope, ena ubi iko kina na madua, ia ko na muduki laivi ka tawa mudu.

¹¹ E na siga ko sa totaki ira kina na tani, o na siga sa vakabobulataka kina na nonai valu ko ira na kai tani, ka curu na meca ki na nona matamata-ni-koro, ka vakalutuka na madigi kei Jerusalemi, sai iko talega ko sa vaka o dua vei ira.

¹² Ia mo kakua ni vakaraica na kena siga na tacimu e na siga sa yacovi koya kina na ka tani; mo kakua talega ni marautaka na kedra na luve i Juta e na siga era ca kina; mo kakua talega ni vosa viavialevu e na siga era rarawa kina:

¹³ mo kakua talega ni curu ki na nodra matamata-ni-koro na noqu tamata o na siga era ca kina; io ko iko, mo kakua ni vakaraica na nodra rarawa e na siga era ca kina; se ko drocadroca ki na nodrai yau e na siga era ca kina;

¹⁴ mo kakua talega ni tu mai e na gau ni sala qiqo me muduki ira na kai nona era dro bula; mo kakua talega ni soli ira na kai nona sa vo e na siga era rarawa kina.

¹⁵ Ni sa voleka mai na siga i Jiova na kedra kece na veimatanitu: me vaka na ka ko sa cakava, ena caka vakakina vei iko: a nomu dauveisaumi ena suka ki ulumu.

¹⁶ Ni sa vaka ni dou a gunu e na noqu ulu-ni-vanua tabu, era na gunu kece tiko vakakina na lewe ni veimatanitu, io, era na gunu, ka tiloma sara, a ra na yaco me vaka era a sega ga.

¹⁷ IA e na ulu-ni-vanua ko Saioni ena tiko na kena vo era dro bula, ena yalosavasava talega; ia na mataqali i Jekope ena taukena na nodra vanua.

¹⁸ Ia na mataqali i Jekope ena yaco me buka, kei na mataqali i Josefa me yameyame ni buka, kei na mataqali i Iso me vu-ni-sila, a ra na vakacaudrevi ira, ka vakayavuna; ena sega talega e vo vei ira na mataqali i Iso; ni sai Jiova e cavuta.

¹⁹ A ra na taukena ko ira mai na mata ni ceva na ulu-ni-vanua i Iso; kei ira mai na buca, na kai Filisitia; era na taukena talega na veiwere nei Ifireimi, kei na veiwere mai Samaria: ia ko Penijamini ena taukeni Kiliati.

²⁰ Ia ko ira sa bobula vei ira na mataivalu o qo, na luve i Isireli, era tiko vata kei ira na kai Kenani, ka yacovi Sarifaci; kei ira sa bobula vei irana kai Jerusalemi era tiko mai Sifarati, era na taukena na veikoro e na mata ni ceva.

²¹ A ra na lako cake mai e so nai vakabula ki na ulu-ni-vanua ko Saioni me lewa na ulu-ni-vanua i Iso; ia ena nei Jiova na matanitu.