Neumi 1 - AI VOLA TABU

A WASE I. —Sa kaukauwa vakaturaga sara na Kalou me vakabulai ira na nona tamata, ka cudruvi ira na nona meca.

¹ AI colacola kei Ninive. Ai vola ni raivotu i Neumi na kai Elikosi.

² Sa Kalou vuvu, a sa ia na veisaumi ko Jiova; sa ia na veisaumi ko Jiova, a sai taukei ni cudru; ena ia na veisaumi ko Jiova vei ira sa cati koya, io, sa maroroya ko koya na kedra na nona meca.

³ Sa daubera ni cudru ko Jiova, ka daulevu na nona kaukauwa, ia ena sega sara ni vakadonui ira na tamata ca: sa dua na sala i Jiova e na covulaca kei na cava, ia na o na kuvu-ni-soso ni yavana.

⁴ Sa vunauca na Wasawasa, ka vakamamacataka, ia na uciwai kecega sa vakadiva: sa malai ko Pasani, kei Karimeli, ia na se ni kau mai Lipanoni sa malai.

⁵ A veiulu-ni-vanua sa sautaninini e na vukuna, a veiulu-ni-koro talega sa waicala, sa tavuki talega na vanua e matana, io ko vuravura, kei ira kecega era tiko kina.

⁶ E na mata ni nona cudru, o cei me tiko rawa? ia ko cei me tiko rawa ni sa waqawaqa na nona cudru? a nona cudru sa sova yani me vaka na buka waqa, ia na Uluvatu sa basuka sobu ko koya.

⁷ Sa yalovinaka ko Jiova, sai vakaruru kaukauwa e na siga ni rarawa: a sa kilai ira era vakararavi vua.

⁸ Ia e na dobui luvu ena vakaotia sara yani na kenai tikotiko, ia na nona meca ena vakasavi ira na butobuto.

⁹ A vere cava dou sa bukia kei Jiova? a kenai vakataotioti ena vakayacora sara ko kova, ena sega ni tubu vakarua na ka rarawa.

¹⁰ Ia ke ra coko veidre me vaka na soni, ka mateni sara e na waini, ke ra na vakayavuni ga me vaka na vu-ni-sila e mamaca sara.

¹¹ Sa lako maivei iko ko koya sa bukia na vere kei Jiova, e dua na daubose ca.

¹² Sa vosa vakaoqo ko Jiova; Ke ra lomadei, ka lewe vuqa sara, ke ra na tamusuki sobu sara ga, ia ena lako tani yani ko koya. Keʼu a vakararawataki iko, keʼu na sega ni vakararawataki iko tale.

¹³ Niʼu na qai musuka tani vei iko na nonai vua, ka cavuka na kemui vesu.

¹⁴ A sa ia na kemu vosa ko Jiova, me kakua sara ni kaburaki tale na yacamu: mai na vale ni nomu kalou kaʼu na muduka tani na matakau ceuceu kei na matakau e vakawaicalataki: au na cakava me nomui bulubulu; ni ko sa beci.

¹⁵ Raica e na ulu-ni-vanua na yava i koya sa kauta mai nai rogorogo vinaka, sa rogotaka mai na sautu! Mo cakava, Juta, na nomu solevu tabu, vakayacora na nomu vosavavakini: ni na sega tale ni lako voli yani vei iko na tamata ca; sa muduki laivi sara ko koya.