NA SAME 99 - AI VOLA TABU

Ne dokai ko Jiova, ni sa cecere ko koya.

¹ SA lewa ko Jiova; me ra sautaninini na veimatanitu: Sa tiko e na tadrua ni Jerupi; me veitosoyaki ko vuravura.

² Sa levu ko Jiova mai Saioni; ka cecere vei ira na lewe ni veimatanitu.

³ Me ra vakavinavinaka ki na yacamu levu ka rerevaki; sa yalosavasava ko koya.

⁴ A nona kaukauwa na tui sa lomana na lewa dodonu; o sa vakataudeitaka na ka e dodonu, o sa kitaka na lewa kei na caka dodonu e Jekope.

⁵ Dou vakalevulevui Jiova na noda Kalou, ka cuva ki nai tutu-ni-yavana; sa yalosavasava ko koya.

⁶ O Mosese kei Eroni vei ira na nona bete, kei Samueli vei ira era masuta na yacana; ni ra sa masuti Jiova, sa vakarorogo vei ira ko koya.

⁷ Sa vosa vei ira ko koya e na duru o: era sa vakabauta na nona vunau, kei nai valavala sa lesia vei ira.

⁸ O a vosa vei ira, Jiova, na neimami Kalou: o iko na Kalou sa daulomadonu, ia ko a cudruva ga na nodrai valavala.

⁹ Dou vakalevulevui Jiova na noda Kalou, ka cuva mai na nona ulu-ni-vanua tabu; ni sa yalosavasava ko Jiova na noda Kalou.