NA SAME 92 - AI VOLA TABU

A ka vinaka na vakavinavinaka vua na Kalou, 1-4. A ka levu na nona cakacaka, kei na nona lewa, 5-8. Era na cudruvi na tamata ca, ka vinaka tiko na tamata dodonu, 9-15.

A Meke se Sere ni siga tabu.

¹ A KA vinaka me ia na vakamolimoli vei Jiova, ka sere vaka na vakavinavinaka ki na yacamu, o iko sa Cecere sara:

² me dautukuna na nomu yalololoma e na sabogibogi, kei na nomu lomadina e na veibogi;

³ e nai qiriqiri e tini na kena wa, kei na saliteri; kei na api e domo vinaka.

⁴ Ni ko sa vakamarautaki au, Jiova, e na nomu cakacaka: au na rekitaka na cakacaka ni ligamu.

⁵ I Jiova, na ka levu na nomu cakacaka! a ka titobu na nanuma ni lomamu.

⁶ A tamata yalovakamanumanu sa sega ni kila; kei na tamata lialia sa sega ni vuku rawa e na ka o qo.

⁷ Ni ra sa tubu me vaka na co nai valavala ca, ka bulabula na daucaka ca; a ka ga me ra kawaboko laivi:

⁸ ia ko iko, Jiova, sa Cecere sara ka tawa mudu.

⁹ Ni ra na rusa laivi vakaidina, Jiova, ko ira na nomu meca; ia ko ira dina na nomu meca; era na dui vakasevi tani ko ira kecega na daucaka ca.

¹⁰ Ia na noqu kaukamea ko na laveta cake me vaka na kaukamea ni yunikoni: au na lumuti e na votea vou.

¹¹ Ia ena raici ira na noqu meca na mataqu, ka rogoca na daligaqu ni ra rusa na tamatai valavala ca era tu cake vakaivalu vei au.

¹² Ena bulabula na yalododonu me vaka na balabala: ena tubu tiko me vaka na sitari mai Lipanoni.

¹³ O ira era tei e na vale i Jiova era na bulabula e na lomanibai ni noda Kalou.

¹⁴ Era na vuavua tiko ni ra sa qase mai; era na drokadroka ka bulabula;

¹⁵ me vakatakila ni sa yalododonu ko Jiova: a noqu uluvatu ko koya, a sa sega vua na caka cala.