NA SAME 85 - AI VOLA TABU

E na vuku ni loloma ni Kalou eliu sa masuta me yalololoma tiko.

Vua na Domo-ni-meke. A Meke vei ira na luve i Kora.

¹ I JIOVA, o sa yalovinaka ki na nomu vanua: o sa kauti ira tale mai na Jekope ka vakabobulataki.

² O sa tawa cudruva na nodra tawa dodonu na nomu tamata, o sa ubia na nodrai valavala ca kecega. Sela.

³ O sa kauta tani na nomu cudru kecega: o sa gole mai mai na nomu cudru waqawaqa.

⁴ Mo lesu mai vei keimami, na Kalou ni neimami bula, ka cegu ni cudruvi keimami tiko.

⁵ Ena tawa mudu beka na nomu cudru vei keimami? o na vakabalavutaka beka na nomu cudru ki nai tabatamata kecega?

⁶ O na sega beka ni vakabulai keimami tale: me ra reki tale e na vukumu na nomu tamata?

⁷ Mo vakatakila, Jiova, vei keimami na nomu yalololoma, ka solia vei keimami na bula.

⁸ Au na rogoca na ka e kaya na Kalou ko Jiova: ni na vosaveivakacegui vei ira na nona tamata, kei ira na nona yalododonu: ia me ra kakua ni lesu tale ki na ka vakalialia.

⁹ E dina ni sa voleka ni vakabulai ira era sa rerevaki koya; me vakaiukuukutaki tiko kina na noda vanua.

¹⁰ Sa veitata na loloma kei na dina; sa veiregu na yalododonu kei na veivinakati.

¹¹ Ena tubu mai e vuravura na ka dina; ka rai sobu mai lomalagi na ka dodonu.

¹² Io, ena solia ko Jiova na ka vinaka; ena vuataka talega na vuana na noda vanua.

¹³ Ena liutaki koya na cakacaka dodonu; ka kauti keda ki na sala sa lako kina ko koya.