NA SAME 70 - AI VOLA TABU

A masu sa ia e na gauna ni veivakararawataki.

Vua na Domo-ni-meke. A Meke i Tevita, me vakanananu ka kina.

¹ MO kusarawa, na Kalou, me vakabulai au; mo kusarawa, Jiova, ni vukei au.

² Me ra vakamaduataki ka taqaya era sa vakasaqara na yaloqu: me ra vakalesui tale, ka vakamaduataki, era sa via vakacacani au.

³ Me ra vakalesui tale mei sau ni nodra veivakamaduataki era sa kaya, Sai koya! Sai koya!

⁴ Me ra reki ka marautaki iko ko ira kecega era sa vakasaqarai iko: ia me ra kaya tikoga ko ira kecega sa vinakata na bula sa maivei iko, Me vakalevulevui na Kalou.

⁵ Ia koi au kaʼu sa malumalumu ka dravudravua: mo kusarawa mai vei au, na Kalou: o iko na noqui vukevuke kei na noqui vakabula; kakua, Jiova, ni berabera mai.