NA SAME 63 - AI VOLA TABU

Sa gadreva sara na Kalou ko Tevita, a sa vaka-lomavinaka vua, 1-5. Ni sa vakararavi tiko vei koya, sa kila ni ra na ca na nona meca, 6-10, ka vinaka ga ko koya, 11.

A Meke i Tevita, ni sa tiko e na veikau mai Juta.

¹ O IKO Kalou, ko sa noqu Kalou; kaʼu na sou meʼu qaravi iko: sa viagunu vei iko na yaloqu, sa domoni iko na lewequ e na vanua mamaca ka dauveivakaocai, sa sega kina na wai;

² meʼu kunea na nomu kaukauwa kei na nomui ukuuku, me vaka ni kaʼu a kunea e na nomu vale tabu.

³ E na vuku ni sa vinaka na nomu loloma ka ca na bula, ena vakavinavinaka kina vei iko na tebenigusuqu.

⁴ Sa vakaoqo kaʼu na vosavinakataki iko niʼu sa bula tiko: kaʼu na laveta cake na ligaqu e na yacamu.

⁵ Ena mamau na yaloqu me vaka e na uto ni sui kei na uro, ena vakavinavinaka talega na gusuqu e na tebenigusumu e rereki tiko.

⁶ Niʼu sa nanumi iko e noqui mocemoce, ka vakanananu vei iko e na veitiki ni bogi.

⁷ E na vuku ni ko a dauvukei au, kaʼu na rekitaka kina na yaloyalo ni tabamu.

⁸ Sa cici matua na yaloqu niʼu muri iko: sa tokoni au na ligamu i matau.

⁹ Ia ko ira era qara na yaloqu me vakarusa, era na lako sobu ki na tikina e ruku i vuravura.

¹⁰ Era na bale e nai seleiwau: era na kedrai votavota na fokise.

¹¹ Ia na tui ena reki tiko e na Kalou: era na marau tiko ko ira yadua sa vosa vavakini vua: ia ena vagalutaki na gusudra na vosa lasu.