NA SAME 48 - AI VOLA TABU

Ai tukutuku kei Jiova, kei Jerusalemi na nonai tikotiko.

A Meke kei na Sere na nodra na luve i Kora.

¹ SA levu ko Jiova, me vakavinavinakataki vakalevu e na koro ni noda Kalou, na nona ulu-ni-vanua tabu.

² Sa toka vinaka sara, a nodra marau na kai vuravura kece, na ulu-ni-vanua ko Saioni, e na yasana sa donuya na tokalau; na koro i koya na Tui levu.

³ Sa kilai ko Jiova e na kena veivale vakaturaga mei drodro.

⁴ Raica, era sa soqoni vata na tui, era lako vata yani.

⁵ Era raica, ka ra kurabui kina; era kidroa, ka dro tani yani.

⁶ Sa tauvi ira kikea na rere, kei na rarawa, me vaka na alewa sa taratara.

⁷ O sa vorolaka na waqa ni Tarisisi e na cagi mai cake.

⁸ Me vaka na ka keimami rogoca, keimami sa raica vakakina, e na koro i Jiova ni lewe vuqa, e na koro ni noda Kalou: ena vakataudeitaka na Kalou me tawa oti rawa. Sela.

⁹ Keimami a veinanuyaka na nomu yalololoma, na Kalou, e loma ni nomu vale ni soro.

¹⁰ Me vaka na yacamu, na Kalou, sa vakakina na vakavinavinaka me ia vei iko ka yacova nai yalayala kei vuravura: sa sinai na ligamu i matau e na cakacaka dodonu.

¹¹ Me mani reki na ulu-ni-vanua ko Saioni, me ra mani marau na gonealewa ni Juta, e na vuku ni nomu lewa.

¹² Dou lako voli mai Saioni, ka vakavolivolita: wilika na kena veivale-cecere.

¹³ Vakaraica vinaka na kena bai, vakananuma na kena veivale vakaturaga; mo dou tukuna ki nai tabatamata e muri mai.

¹⁴ Ni sa noda Kalou ka tawa mudu na Kalou o qo: ena tuberi keda ko koya ka yacova na noda mate.