NA SAME 47 - AI VOLA TABU

Ai vakaro ni Kalou vei ira na tamata me ra rekitaka na Mesaia.

Vua na Domo-ni-meke. A nodra Meke na luve i Kora.

¹ OI kemudou kecega na tamata, dou cobo; kaila vua na Kalou e na kaikaila ni qaqa.

² Ni sa rerevaki ko Jiova, o Koya sa Cecere sara; na Tui levu kei vuravura kecega.

³ O koya ga ena vakamalumalumutaki ira na tamata vei keda, kei na veimatanitu ki na ruku ni yavada.

⁴ O koya ga ena digitaka na nodai votavota me noda, na vanua vinaka sara i Jekope sa lomana ko koya. Sela.

⁵ Sa lako cake na Kalou kei na qoqolou, o Jiova kei na rorogo ni davui.

⁶ Dou meketaka na vakamolimoli vua na Kalou, meketaka na vakavinavinaka: dou meketaka na vakamolimoli vua na noda Tui, meketaka na vakavinavinaka.

⁷ Ni sa Tui kei vuravura kecega na Kalou: dou vakavinavinaka e na meke vakalomavuku.

⁸ Sa lewai ira na veimatanitu na Kalou: sa tiko na Kalou e na nonai tikotiko tabu.

⁹ 0 ira na turaga ni veimatanitu era sa soqoni vata, o ira na nona tamata na Kalou i Eparaama: ni sa nona na Kalou nai sasabai kei vuravura: o koya ga sa vakalevui cake sara.