NA SAME 43 - AI VOLA TABU

A masu ni tamata sa gadreva na Kalou.

¹ NOQU Kalou, mo lewai au mai, mo ia na veilewai e na vukuqu kei ira na vanua tawa loloma: vakabulai au mai na tamata e daulasu ka yaloca.

² Ni sai iko ga na Kalou ni noqu kaukauwa: o sa biuti au tani e na vuku ni cava? a cava kaʼu lako voli kina ka tagi ni sa vakasaurarataki au na meca?

³ Mo tala mai na nomu rarama kei na nomu dina: me rau tuberi au lako; me rau kauti au ki na nomu ulu-ni-vanua tabu, ki na nomui tikotiko.

⁴ Au na qai lako ki na nonai cabocabo-ni-soro na Kalou, vua na Kalou na noqu marau dina sara: ia kaʼu na vakavinavinaka e na api vei iko na Kalou, na noqu Kalou.

⁵ Na yaloqu, o sa bibi lako e na vuku ni cava? o sa nuiqawaqawa e lomaqu e na vuku ni cava? mo namaka na Kalou: niʼu na vakavinavinaka tiko vua, na vu ni bula ni mataqu, kei na noqu Kalou.