NA SAME 40 - AI VOLA TABU

A nona vakamolimoli na tamata sa qai vakabulai mai na nonai valavala ca.

Vua na Domo-ni-meke. A Meke i Tevita.

¹ AU a daunamaki Jiova sara; a sa vakatu daligana vei au, ka rogoca noqu tagi.

² Sa tuberi au cake talega mai nai keli e rorogo rerevaki, mai na qele lolobo talega, a sa vakatura na yavaqu e na dela ni Uluvatu, ka vakataudeitaka na noqui lakolako.

³ A sa vulica na gusuqu e na meke vou, na vakavinavinaka vua na noda Kalou: era le vuqa ena raica, ka rere, ka vakararavi vei Jiova.

⁴ Sa kalougata na tamata sa dauvakararavi vei Jiova, a sa gole tani vei ira na yalolevu, vei ira talega era lesu tani ki na daulasu.

⁵ I Jiova noqu Kalou, e vuqa na nomu cakacaka vakidacala ko sa cakava, kei na nomu nanuma vei keimami: e dredre me wilika vakadodonu vei iko: kevaka kaʼu via vakatusa ka tukuna, e dredre ni wiliki.

⁶ Ai soro kei nai madrali ko a sega ni vinakata; o sa culabasika na daligaqu: ai soro kama kei nai soro ni valavala ca ko sa sega ni rotaka.

⁷ Au a qai kaya, Raica, au sa lako mai, au a volai e nai vola vivigi,

⁸ au sa reki meʼu kitaka na ka ko sa vinakata, noqu Kalou: io, na nomu vunau sa tu e na vu ni yaloqu.

⁹ Au a vunautaka na keivavadonui e nai soqosoqo levu: raica, ko sa kila ga, Jiova, niʼu sa sega ni kinoca e na tebenigusuqu.

¹⁰ Au a sega ni vunia e lomaqu na nomu veivakadonui; au a tukuna ga na nomu dina kei na nomu veivakabulai: au a sega ni vunia na nomu yalololoma kei na nomu dina maivei ira nai soqosoqo levu.

¹¹ O iko talega, Jiova, kakua ni bureitaka vei au na nomu yalololoma: me maroroi au tikoga na nomu loloma kei na nomu dina.

¹² Ni sa voliti au na ka ca sa tawa wili rawa: sa vauci au na noqui valavala ca, kaʼu sa sega ni ta cake rawa kina; sa vuqa o qori ka lailai na drau ni uluqu: o koya sa waicala kina na yaloqu.

¹³ Mo lomavinaka, Jiova, me vakabulai au: i Jiova, mo kusarawa mai me vukei au.

¹⁴ Me ra madua ka veiseseyaki vata era qara na yaloqu me ra vakarusa; me ra vakaisuka nadaku ka vakamaduataki era gadreva tiko meʼu vakacacani.

¹⁵ Me ra qeavu mei sau ni nodra veivakamaduataki era sa kaya vei au, Sai koya! Sai koya!

¹⁶ Ia ko ira kecega era qarai iko, me ra reki ka marautaki iko: kei ira sa vinakata na nomu veivakabulai me ra kaya tiko, Me vakalevui ko Jiova.

¹⁷ Ia koi au kaʼu sa dravudravua ka luveniyali: ia ka sa vakananumi au na Turaga: o iko na noqu veivuke kei na noqui vakabula; kakua ni berabera, noqu Kalou.