NA SAME 20 - AI VOLA TABU

A masumasu e na vuku ni tui.

Vua na Domo-ni-meke. A Meke i Tevita.

¹ ME rogoci iko ko Jiova e na siga ni rarawa; me maroroi iko na yaca ni Kalou i Jekope;

² me talaki ka vukei iko mai na nona vale tabu, ka vakaukauwataki iko mai Saioni.

³ Me nanuma kecega na nomui soro, ka vakadonuya kecega na nomui madrali kama. Sela.

⁴ Me solia vei iko me vaka na yalomu, ka vakayacora kecega na nomu vakanananu.

⁵ Keitou na reki ni ko sa vakabulai keitou, keitou na vaka-rewataka na drotini e na yaca ni noda Kalou: me vakayacora kecega na nomu masumasu ko Jiova.

⁶ Au sa qai kila ni sa vakabulai koya ka lumuta ko Jiova: ena rogoci koya mai na nona lomalagi tabu, io, e na kaukauwa ni ligana i matau sa dauia na veivakabulai.

⁷ Sa lagilagi e so e na vale-vodoki, e so tale e na ose: ia koi keda e na yaca i Jiova na noda Kalou.

⁸ O ira, era sa tauci sobu ka bale; ia koi keda, eda sa tu cake ka wavutu.

⁹ Mo ia na veivakabulai, Jiova; me vakarogoci keitou na tui e na siga keitou sa kaci yani kina.