NA SAME 2 - AI VOLA TABU

A matanitu i Koya ka Lumuta ko Jiova, 1-9. Sa vakarota vei ira na turaga kei vuravura me ra vakabauti koya, 10-12.

¹ E NA vuku ni cava era sa daucudru kina na veimatanitu, ka vakananuma na ka walega ko ira na lewe ni veivanua?

² Era sa tuvai valu na tui kei vuravura, a ra sa bose vata ko ira na turaga, me ra veivala kei Jiova, kei koya ka lumuta ko koya, a ra sa kaya,

³ Tou drutilaka sara na nodraui vesu, ka biuta tani vei keda na nodrau dali.

⁴ O koya sa tiko mai lomalagi ena dredre: ena vakalialiai ira na Turaga:

⁵ ena qai vosa vei ira ko koya e na nona cudru: ka vakararawataki ira e na nona cudru katakata, ka kaya,

⁶ Ia koi au ga, kaʼu sa buli koya na noqu tui e na noqu ulu-ni-vanua tabu ko Saioni.

⁷ Au na tukuna nai lesilesi, Sa kaya vei au ko Jiova, A luvequ ko iko; au sa vakasikavi iko e na siga o qo:

⁸ kerea maivei au, kaʼu na solia na veimatanitu me nomui yau, kei nai yalayala kei vuravura me nomui votavota:

⁹ o no-voroti ira e nai titoko kaukamea: me vaka na bilo kei koya na dautuli kuro ko na vorolaki ira.

¹⁰ Ia mo dou qai vuku o qo, koi kemudou na tui: dou vakatavulici, koi kemudou na dauveilewai kei vuravura:

¹¹ dou qaravi Jiova e na rere, ka ia vata na reki kei na sautaninini:

¹² reguca na Luvena, de cudru ko kova, a kemudou sa rusa tani mai na sala, ni sa waqawaqa vakalailai ga na nona cudru. Era sa kalougata kecega sa vakararavi vei koya.