NA SAME 16 - AI VOLA TABU

A masu sa cavuti kina na vakararavi vei Jiova.

Ai vola i Tevita.

¹ VAKATAWAI au, noqu Kalou: niʼu sa vakararavi vei iko.

² Na yaloqu, ko a kaya vei Jiova, A Turaga ga ko iko; na noqu vinaka sa tawa yaga vei iko.

³ O ira na tamata yalosavasava era sa tiko e vuravura, kei ira na tamata vinaka, kaʼu sa rekitaki ira duaduaga.

⁴ Ena vuqa na nodra ka rarawa era sa cicimuria na ka tani: kaʼu na sega sara ni vakacabora na nodrai madrali dra, kaʼu na sega sara ni cavuta na yacadra e na tebenigusuqu.

⁵ A noqui votavota ko Jiova, na noqu bilo talega: o iko sa vakataudeitaka na ka kaʼu sa taukena.

⁶ Sa lutu nai yalayala ni noqu vanua e na yasana vinaka, io, sa vota vei au na vanua sa rairai vinaka.

⁷ Au na vakamolimoli vei Jiova, o koya sa vakavulici au; sa vakavulici au talega na yaloqu e na loma ni bogi.

⁸ Au a viri taki Jiova me tu e na mataqu e na veisiga kecega; kaʼu na sega ni yavala, ni sa tu ko koya e na ligaqu i matau.

⁹ O koya sa reki kina na yaloqu, a sa marau kina na yamequ, ena vakacegu talega na lewequ ni sa wawa tiko.

¹⁰ Ni ko na sega ni laiva na yaloqu mai na yasana vuni, se laiva na nomu Le Dua sa Yalosavasava me vuca mai.

¹¹ O na vakatakila mai vei au na sala ni bula: sa sinai tu na marau e matamu; sa tawa mudu na reki sa tu mai na ligamu i matau.