NA SAME 15 - AI VOLA TABU

A kenai tukutuku na tamata sa rerevaki Jiova.

A Meke i Tevita.

¹ I JIOVA, o cei ena tiko e na nomu vale? o cei ena tiko vakadua e na nomu ulu-ni-vanua tabu?

² O koya sa lako vakadodonu, ka kitaka nai valavala dodonu, ka vosa dina tiko mai na vu ni yalona.

³ O koya sa sega ni kakase na yamena, se caka ca vua na kai nona, se cavuta nai rogo sa vakacacataki kina na wekana.

⁴ Sa beca na tamata velavela na matana; a sa dauvakarokorokotaki ira era sa rerevaki Jiova. Ke sa vosa vavakini ka ca kina ko koya, ke sa sega ni vakaisosomitaka.

⁵ Sa sega ni solia na nonai lavo me vakaisausaumi tawa dodonu, sa sega ni vakabauta nai tautauri me ca na tamata dodonu. O koya sa kitaka na ka o qo ena sega sara ni yavalati rawa.