NA SAME 142 - AI VOLA TABU

A masu sa ia e na gauna ni veivakacacani.

A Masikili i Tevita. A masu ni sa tiko e na qaravatu.

¹ AU a tagi vei Jiova e na domoqu; ia e na domoqu kaʼu a vakamamasu vei Jiova.

² Au a sova e matana na noqu tagi; au a vakatakila e matana na noqu rarawa.

³ Ni sa luvu e lomaqu na yaloqu, o a kila na noqui lakolako. E na sala kaʼu a lako kina era vunia kina nai cori vei au.

⁴ Au a rai ki ligaqu i matau, ka kunea, a sa sega e via kilai au: sa yali vei au nai drodro; sa sega na tamata e loloma ki na yaloqu.

⁵ Au a tagi vei iko, Jiova: au a kaya, O iko na noqui drodro, na noqui votavota e na vanua ni bula.

⁶ Mo vakarogoca na noqu tagi; niʼu sa vakamalumalumutaki sara: vakabulai au maivei ira era sa vakacacani au; ni ra sa gumatua vei au.

⁷ Kauta tani na yaloqu e na vale ni vesu, meʼu vakavinavinaka kina ki na yacamu: era na voliti au na yalododonu; ni ko na caka loloma vei au.