NA SAME 13 - AI VOLA TABU

A masu e na rarawa.

Vua na Domo-ni-meke. A Meke i Tevita.

¹ E VAKAEVEI na kena dede na nomu guilecavi au, Jiova? me tawa mudu beka? ena vakaevei na kena dede na nomu vunia na matamu vei au?

² E vakaevei na kena dede meʼu bose tiko e na vu ni yaloqu, ni sa rarawa tiko na lomaqu e na veisiga? e vakaevei na kena dede me rawai au na noqu meca?

³ Nanuma, Jiova na noqu Kalou, mo rogoci au: vakararamataka na mataqu, deʼu moce ka mani mate sara;

⁴ de kaya na noqu meca, Au sa rawai koya sara: de reki ko ira sa vakararawataki au niʼu sa yavala.

⁵ Ia koi au, kaʼu sa vakararavi ga e na nomu loloma; ena marau na yaloqu ni ko sa ia na veivakabulai.

⁶ Au na meke vei Jiova, ni sa caka vinaka kivei au ko koya.