NA SAME 122 - AI VOLA TABU

Sa marau ko Tevita e na vuku ni vale ni soro, 1-5, ka kerea na vakacegu, 6-9.

A Meke ni cabecabe; a nei Tevita.

¹ AU a reki ni ra kaya vei au, Tou mai lako ki na vale i Jiova.

² Ena tu na yava i keimami e loma ni nomu matamata-ni-koro, Jerusalemi.

³ Sa tara ko Jerusalemi me vaka na koro, sa vakata vata:

⁴ era sa lako cake kina na veimataqali, na veimataqali i Jiova, me vaka na vunau vei ira na Isireli, me ia na vakavinavinaka ki na yaca i Jiova.

⁵ Ni sa tu maikina nai tikotiko ni dauveilewai, na nodrai tikotiko vakaturaga na mataqali i Tevita.

⁶ Dou masulaki Jerusalemi me sautu: era na tiko vinaka era sa lomani iko.

⁷ Me tiko na sautu c na nomu lomanibai, kei na cakacaka yaco e na nomu veivale vakaturaga.

⁸ E na vukudra na wekaqu kei na kai noqu, au na kaya, Me tiko vei iko na vakacegu.

⁹ E na vuku ni vale i Jiova na neimami Kalou, kaʼu na qara na ka mo vinaka kina.