NA SAME 113 - AI VOLA TABU

Me vakavinavinaka vua na Kalou ni sa levu, 110. 1-4, ka yalololoma, 5-9.

¹ DOU ia vei Jiova na vakavinavinaka. Dou vakavinavinaka, oi kemudou na tamata i Jiova, dou vakavinavinaka ki na yaca i Jiova.

² Me vakarokorokotaki na yaca i Jiova mai na gauna o qo ka yacova na gauna kecega.

³ Mai nai cadracadra ni siga ka yacova nai dromudromu ni siga me vakavinavinakataki na yaca i Jiova.

⁴ Sa cecere ko Jiova ki na veimatanitu kecega, kei na nonai ukuuku ki lomalagi.

⁵ O cei sa tautauvata kei Jiova na noda Kalou, o koya sa tiko maicake,

⁶ o koya sa vakamalumalumutaki koya me raica na ka mai lomalagi, kei na ka e vuravura!

⁷ Sa laveta ko koya na dravudravua mai na kuvu-ni-soso, ka vueta na kaisi mai nai sovasova ni benu;

⁸ me vakatikora vata kei ira na turaga, io kei ira na turaga ni kai nona.

⁹ Sa vakatikori koya mai vale sa yava, me marau ni sa vakaluveni. Dou ia vei Jiova na vakavinavinaka.