NA SAME 112 - AI VOLA TABU

E yaga na lotu e na bula o qo, 1-3, kei na 114, bula emuri, 4-9. Ena kunea ko ira na tamata ca, 10.

¹ DOU vakavinavinaka vei Jiova. Sa kalougata na tamata sa rerevaki Jiova, o koya sa rekitaka vakalevu na nona vunau.

² Ena kaukauwa e vuravura na nona kawa: era na kalougata na nodra mataqali na yalododonu.

³ Ai yaya kei nai yau ena tu ga e nona vale: ia na nona cakacaka dodonu ena tawa oti.

⁴ Sa cadra na rarama e na butobuto vei ira na yalododonu: sa daulomasoli ko koya, ka yalololoma, ka daucaka dodonu,

⁵ Sa tamata yaco ko koya sa dauyalololoma, ka dausoli ka: ena dau-tokona na nona ka e na caka dodonu:

⁶ ni na tawa yavavala e na dua na gauna: ena tawa mudu ni nanumi tiko na tamata dodonu.

⁷ Ena sega ni rerevaka nai rogorogo ca: sa dei na lomana, ni sa vakararavi tiko vei Jiova.

⁸ Sa dei na lomana, ena sega ni rere, ena kunea mada ni ra bale na nona meca.

⁹ Sa duibiubiuta ko koya, sa dausoli ka vei ira na dravudravua; sa tawa mudu na nona cakacaka dodonu; ena laveti cake na nona kaukamea ka vakarokorokotaki.

¹⁰ Ena kunea ko koya na tamata ca, ka cudru kina; ena vakasequruquru e na batina, ka waicala yani: a ka era gadreva nai valavala ca ena tau a yaco.