NA SAME 11 - AI VOLA TABU

Na vosa ni dua sa vakararawataki, ka sa vakararavi ga ki na Kalou.

Vua na Domo-ni-meke. A Meke i Tevita.

¹ AU sa vakararavi vei Jiova; dou sa kaya vakacava ki na yaloqu, Mo vuka, me vaka na manumanu, ki na nomu ulu-ni-vanua:

² raica era sa loqata na nodra dakai na tamata lomaca, era sa vakarauta na gasau e na kena wa, me vanai koya lo sa yalododonu;

³ ni na sa talaraki sara na yavu, a cava sa na kitaka rawa na tamata yalododonu?

⁴ Sa tiko e na nona vale tabu ko Jiova, ai tikotiko vakaturaga nei Jiova sa tu mai lomalagi, sa vakaraica tiko na matana, sa vakatovolei ira na luve ni tamata na daku-daku ni matana.

⁵ Sa vakatovolea na tamata yalododonu ko Jiova: ia na tamata lomaca ka sa vinakata nai valavala kaukauwa, sa cati koya na yalona.

⁶ Ena vakatauca ko koya vei ira na tamatai valavala ca nai cori; enai votavota ni medra bilo na buka waqa kei na sulifure, kei na cava rerevaki.

⁷ Ni sa yalododonu ko Jiova; sa vinakata ko koya nai valavala dodonu: sa raica na tamata yalododonu na matana.