NA SAME 100 - AI VOLA TABU

A Meke ni vakavinavinaka.

¹ DOU ia na meke vei Jiova, na vuravura kecega.

² Dou marau ni dou qaravi Jiova; dou toro mai ki na matana ni dou sa ia na meke.

³ Dou kilai Jiova ni sa Kalou ga ko koya; sai koya ga sa buli keda, a sa nona koi keda: eda sa nona tamata, kei na sipi ni nona vanua.

⁴ Dou curu ki na nona matamata-ni-koro ni dou sa vakamolimoli, kei na nona lomanibai e na vakavinavinaka: dou vakamolimoli vua, ka vosavinakataka na yacana.

⁵ Ni sa yalovinaka ko Jiova; a sa tawa mudu na nona yalololoma; a sa yacova nai tabatamata kecega na nona lomadina.