Luke 23 - AI VOLA TABU

Sa lewai Jisu ko Pilato kei Eroti, 1-25. Era vakoti Jisu ki na kauveilatai, a sa masulaki ira ko koya, a sa vakabula e dua vei rau na daubutako, a sa vakabauti koya ko na turaga ni valu, 27-49. Sa buluti koya ko Josefa, 50-56.

¹ A SA tu cake ko ira kecega na lewe vuqa, ka kauti koya vei Pilato.

² A ra sa vakatekivu me ra beitaka, a ra sa kaya, Keitou sa kunei koya o qo, ni sa saumaka vakatani na vanua, a sa vakatabuya na soli drawe vei Sisari, a sa kaya ni sa Karisito na Tui ko koya.

³ A sa tarogi koya ko Pilato, ka kaya, O iko na nodra Tui na kai Jutia, se segai? A sa vosa ko koya, ka kaya vua, O sa kaya dina mai.

⁴ Sa qai kaya ko Pilato vei ira na bete levu kei ira na lewe vuqa, Au sa sega ni kunea e dua na ka ca vua na tamata o qo.

⁵ Era sa qai gumatua vakalevu mai, ka kaya, Sa vakayavalati ira na tamata e Jutia taucoko ko koya e na nonai vakavuvuli, sa vakatekivu mai Kalili ka yaco ki na yasana o qo.

⁶ Ia ni sa rogoci Kalili ko Pilato, sa taroga, se sa kai Kalili na tamata, se segai.

⁷ Ia ni sa kila ni sa dautiko ko koya e na yasana sa lewa kina ko Eroti, sa talai koya vei Eroti, o koya talega sa tiko mai Jerusalemi e na gauna ko ya.

⁸ Ia ni sa raici Jisu ko Eroti, sa reki sara: ni sa gadreva makawa me raica, ni sa vuqa na ka sa rogoca vua; a sa nakita me raica na nona kitaka e dua na caka-mana.

⁹ Sa qai vuqa na ka sa tarogi koya kina; a sa sega na ka sa kaya vua ko koya.

¹⁰ A ra sa tu kina na bete levu kei ira na vu-ni-vola, a ra sa beitaka vakalevu sara.

¹¹ Ia ko Eroti kei ira na nona matai valu, era sa vakasewasewani koya, ka vakalialia, a ra sa vakasuluma e na dua nai sulu lumilumisa, a ra sa tala tale vei Pilato.

¹² A rau sa qai veivinakati tale e na siga ko ya ko Eroti kei Pilato: ni rau sa veicati eliu.

¹³ Ia ko Pilato, ni sa vakasoqoni ira mada na bete levu kei ira na turaga kei ira na tamata,

¹⁴ sa kaya vei ira, Dou sa kauta mai vei au na tamata o qo, me vaka e dua sa saumaki ira tani na tamata; ia ka raica, au sa taroga e na matamudou, ia kaʼu sa sega ni kunea vua na tamata o qo e dua na ca dou sa beitaka vua:

¹⁵ o Eroti talega, e segai; niʼu a talai kemudou vua; ka raica, sa sega ua ka sa kune vua sa dodonu me mate kina:

¹⁶ o koya o qo kaʼu na vakanakuitataka kina, ka sereka. (

¹⁷ Ni sa dodonu me sereka vei ira e dua e na solevu.)

¹⁸ A ra sa sosoraki vata kecega, ka kaya, Me kau tani ko koya o qo, ka me sere vei keimami ko Parapa: (

¹⁹ o koya ka biu ki na vale ni veivesu, e na vuku ni veisei kei na laba e na koro.)

²⁰ Ia ni sa via sereki Jisu ko Pilato, sa vosa tale vei ira.

²¹ A ra sa kaci, ka kaya, Vakota ga ki na kauveilatai, vakota ga ki ua kauveilatai.

²² A sa kaya vakatolu vei ira ko koya, A cava na ka ca sa qai kitaka? au sa sega ni kunea e dua ua ca vua c dodonu me mate kina; o koya o qo kaʼu na vakanakuitataka kina, ka sereka.

²³ Era sa qai gumatua sara ka tabalaka na kaci, ni ra sa masu me vakoti ki na kauveilatai ko koya. A sa gumatua na domodra, kei na nodra na bete levu.

²⁴ A sa lewa ko Pilato me yaco me vaka na nodra vakatama-masu:

²⁵ a sa sereki koya ka biu ki na vale ui veivesu e na vuku ni veisei kei na laba, o koya era sa gadreva; a sa soli Jisu me ra veitaliataka.

²⁶ Ia ni ra sa tubera yani tiko, era sa taura e dua na kai Kirini, o Saimoni, o koya sa lako mai vanua, a ra sa tauca vua na kauveilatai, me colata me muri Jisu.

²⁷ A ra sa lewe vuqa sara era sa muri koya, na tamata kei na yalewa, a ra sa tagi ka tagicaka.

²⁸ A sa vuki vei ira ko Jisu, ka kaya, Oi kemudou na yalewa ni Jerusalemi, dou kakua ni tagicaki au, ia dou tagicaki kemudou kei ira na luvemudou:

²⁹ raica, sa voleka ni yaco na siga, ena kainaki kina, Sa kalougata na yava, kei na kete sa sega ni sucu maikina na gone, kei ua sucu sa sega ni vakasucuma na gone.

³⁰ Era na qai vakatekivu me kaya ki ua veiulu-ni-vanua, Lutuki keimami mai; ki na veivanua-cecere talega, Ubi keimami mai.

³¹ Ia kevaka sa kitaki na veika o qo ni sa drokadroka na kau, a cava ena caka ni ua qai ruruamalai?

³² A rau sa lewe rua tani talega, na tamata caka ca, eratou sa tuberi vata kaya me ratou vakamatei.

³³ Ia ni ra sa yaco ki na yasana, a yacana ko Kalivari [A yasana ni qavokavoka], era sa vakoti koya kina ki na kauveilatai, kei rau talega na tamata caka ca, e dua e na ligana i matau, ka dua e na liga i mawi.

³⁴ Sa qai kaya ko Jisu, Tamaqu, kakua ni cudruvi ira; ni ra sa sega ni kila na ka era sa kitaka. A ra sa vota na nona veisulu, ka ia na madigi vola.

³⁵ A ra sa tu na lewe vuqa me ra vakaraica. O ira talega na turaga kei ira na tamata era sa vakalialia, ka kaya, O koya sa dauvakabulai ira na tani; me tei vakabulai koya, kevaka na Karisito ko koya, na digitaki ni Kalou.

³⁶ O ira talega nai valu era sa vakalialiai koya, a ra sa lako mai vei koya, ka solia vua na wai wiwi,

³⁷ a ra sa kaya, Kevaka ko sa nodra Tui na kai Jutia, mani vakabulai iko.

³⁸ A sa dua nai vola sa irovi koya, sa volai e na vosa vaka-Kirisi, kei na vosa vaka-Roma, kei na vosa vaka-Iperiu, O KOYA O QO NA NODRA TUI NA KAI JUTIA.

³⁹ A sa vosavakacacataki koya c dua vei rau na tamata caka ca sa rube, ka kaya, Kevaka na Karisito ko iko, vakabulai iko kei keirau talega.

⁴⁰ A sa vosa na kenai karua, ka vanauci koya, ka kaya, O sa sega beka ni rerevaka na Kalou, ni ko sa lewai mo mate vakakina?

⁴¹ ia sa dodonu vei kedaru, ni sa saumi koi kedaru e vaka na nodarui valavala; ia na tamata o qo, sa sega na ka ca sa kitaka.

⁴² A sa kaya vei Jisu ko koya, Turaga, nanumi au ni ko sa lako mai e na nomu matanitu.

⁴³ A sa kaya vua ko Jisu, Au sa kaya vakaidina vei iko, E na siga ga edaidai edaru na tiko vata mai parataisi.

⁴⁴ Ia sai kaono ni tiki-ni-siga, a sa butobuto na vanua taucoko ka yacova nai kaciwa ni tiki-ni-siga.

⁴⁵ A sa vakabutobutotaki na mata-ni-siga; a sa sei rua nai lati ni vale ni soro.

⁴⁶ Ia sa kaci e na domo levu ko Jisu, ka kaya, Tamaqu, au sa solia na yaloqu ki na ligamu: a sa vosa oti vakakoya, sa qai ciba.

⁴⁷ Ia ni sa raica ko na turaga ni valu na ka sa caka, sa vakarokorokotaka na Kalou, ka kaya, E dina ga ni sa yalododonu na tamata o qo.

⁴⁸ Ia ko ira kecega na tamata era a lako mai me raica na ka ko ya, ni ra sa raica na ka sa caka, era sa yavita na lomaseredra, ka lesu tale yani.

⁴⁹ O ira kece talega na wekana, kei ira na yalewa era a muri koya mai Kalili, era sa tu vakayawa, ka raica na veika o qo.

⁵⁰ Ka raica, sa dua na tamata na yacana ko Josefa, sa dua vei ira na mataveilewai; a tamata vinaka ka dodonu:

⁵¹ (a sa sega ni lomavata ka caka vata kei ira:) a kai Arimacia, e dua na nodra koro na kai Jutia: a sa waraka talega ko koya na matanitu ni Kalou.

⁵² Sa lako ko koya o qo vei Pilato, ka kerea na yago i Jisu.

⁵³ A sa kevutaka sobu mai, ka solega e na dua na gatu matailalai, ka vakotora e na dua nai bulubulu sa ta e na vatu, sa sega ni vakotori kina e dua eliu.

⁵⁴ Ta sa siga vakarau, a sa roro mai na siga ni vakacecegu.

⁵⁵ Ia ko iratou talega na yalewa, eratou a lako vata kaya mai Kalili, eratou sa muri mai, a ratou sa raica nai bulubulu, kei nai valavala ni kena koto na yagona.

⁵⁶ A ratou sa lesu tale, ka vakarautaka e so na ka boivinaka kei nai lumu: a ratou sa vakacegu e na siga ni vakacecegu me vaka na vunau.