Luke 22 - AI VOLA TABU

Era sa via vakamatei Jisu ko ira na bele levu, a sa kaya ko Juta me soli koya vei ira, 1-6. Nai vakatekivu ni vakayakavi ni Turaga, 7-23. Sa vakavulici iratou na tisaipeli ko Jisu me ratou yalomalumalumu, a sa tukuna ni na cakitaki koya ko Petero, 24-38. Sa rarawa na loma i Jisu, a sa masu, a ra sa mai tauri koya na kai Jutia, ka vakacacani koya, a sa cakitaki koya ko Petero, a sa tukuni koya ko Jisu ni sa Luve ni Kalou, 39-71.

¹ A SA voleka ni yaco na solevu ni ka tawa vakaleveni, a yacana na lako-sivia.

² A ra sa vakatovolea ko ira na bete levu kei ira na vu-ni-vola se ra na vakamatei koya vakaevei; ni ra sa rerevaki ira na tamata.

³ Sa qai curu ko Satani ki na loma i Juta na yacana talega ko Isikarioti, a sa dua vei iratou na lewe tinikarua.

⁴ A sa lako yani, ka veivosaki kei ira na bete levu kei ira na turaga ni valu, se na soli koya vakaevei vei ira.

⁵ A ra sa reki, a ra sa veiyalayalati kaya me ra solia nai lavo.

⁶ A sa vakadonuya ko koya, a sa qai vakasaqara na gauna e rawarawa me soli koya kina vei ira ni ra sa tiko tani na lewe vuqa.

⁷ Sa qai yaco dina na siga ni ka tawa vakaleveni, e dodonu me vakamatei kina na ka sa ia kina na solevu ni lako-sivia.

⁸ A sa talai rau ko Petero kei Joni ko koya, ka kaya, Drau lako ka vakarautaka na solevu ni lako-sivia, me datou kania.

⁹ A rau sa kaya vua, Evei na tikina ko sa vinakata me keirau vakarau kina?

¹⁰ A sa kava vei rau ko koya, Baica, ni drau sa curu ki na koro, drau na sota kaya e dua na tamata sa colata e dua na saqa wai; muri koya ki na vale ena curu kina.

¹¹ Ia drau kaya vua nai taukei ni vale, Sa kaya nai Vakavuvuli vei iko, Evei na tiki-ni-vale, me keitou kania kina na solevu ni lako-sivia kei iratou na noqu tisaipeli?

¹² Ena qai vakatakila vei kemudrau e dua nai taba levu c loma ni vale ecake sa vakaivava tu: drau vakarau kina.

¹³ A rau sa lako, ka kunea me vaka sa kaya vei rau ko koya: a rau sa vakarautaka na solevu ni lako-sivia.

¹⁴ Ia ni sa yaco dina na kena tiki-ni-ya-kavi, sa tiko sobu ko koya, kei iratou vata kaya nai apositolo e tinikarua.

¹⁵ A sa kaya vei iratou ko koya, Au a gadreva vakalevu meʼu kania vata mada eliu kei kemudou na solevu o qo ni lako-sivia, meʼu qai mate emuri:

¹⁶ niʼu sa kaya vei kemudou, Au na sega ni kania tale, ka malua me vakayacori mada e na matanitu ni Kalou.

¹⁷ A sa taura na bilo, ka vakavinavinaka, ka kaya, Taura o qo, ka vota vei kemudou:

¹⁸ niʼu sa kaya vei kemudou, Au na sega tale ni gunuva na vua ni vaini, ka malua me yaco mada na matanitu ni Kalou.

¹⁹ A sa taura na madrai, ka vakavinavinaka, ka dovia, ka solia vei iratou, ka kaya, O qo na yagoqu sa soli e na vukumudou; dou cakava o qo mo dou vakananumi au kina.

²⁰ Sa vaka talega kina na bilo, ni sa oti nai vakayakavi, ka vaka, A bilo o qo ua veiyalayalati vou e na noqu dra sa sova c na vukumudou.

²¹ Ia ka raica, sa tu vata kei au e nai kanakana na liga i koya sa soli au yani.

²² Ia sa lako na Luve ni tamata, me vaka ni sa lesi; ia ka ca vua na tamata ko ya sa soli koya yani!

²³ A ratou sa vakatekivu me veitarogi vakai iratou, se ko cei beka vei iratou ena kitaka na ka o qo.

²⁴ Ia ka ratou a veileti talega eliu, se ko cei vei iratou ena cavu me levu cake.

²⁵ A sa kaya vei iratou ko koya, Era sa lewai ira na veimatanitu ko ira na nodra tui; ia ko ira sa vakasaurarataki ira, era sa vakatokai me daucaka vinaka.

²⁶ Ia dou kakua ni vakakina koi kemudou; ia ko koya vei kemudou sa levu cake, me vaka ga sa gone; ia ko koya sa turaga, me vakataki koya sa dauveiqaravi.

²⁷ O cei vei rau sa uasivi cake, o koya sa tiko me kana, se ko koya sa dauveiqaravi? o koya sa tiko me kana, ue? ia koi au, kaʼu sa tiko vata kei kemudou me vaka e dua sa dauveiqaravi.

²⁸ Oi kemudou ga, dou sa dautiko vata kei au e na noqu vosota ua dauveivakatovolei.

²⁹ Ia kaʼu sa solia vei kemudou e dua na matanitu me vaka ni sa solia mai vei au ko Tamaqu;

³⁰ mo dou kana ka gunu e na noqui kanakana e na noqu matanitu, ka tiko talega e nai tikotiko vakaturaga e so, me lewai ira na mataqali nei Isireli e tinikarua.

³¹ A sa kaya na Turaga, Saimoni, Saimoni, raica, sa via rawati kemudou ko Satani, me tauvuloni kemudou me vaka na sila.

³² Ia kaʼu sa masulaki iko, me kakua ni malumalumu ua nomu vakabauta: ia ni ko sa saumaki tale, mo vakaukauwataki ira ua wekamu.

³³ A sa kaya vua ko koya, Turaga, au sa vakarau me daru lako kei iko ki na vale ni veivesu, kei ua mate talega.

³⁴ A sa kaya ko koya, Au sa kaya vei iko, Petero, ni sa bera ni tagi edaidai na toa, o ua cakitaka mada vakatolu ua nomu kilai au.

³⁵ A sa kaya ko koya vei iratou, Niʼu a talai kemudou wale ka sega na nomudou taga i lavo, se na taga i vaqa, se nai vava, dou a dravudravua li e na dua na ka? A ratou sa kaya, E segai.

³⁶ Sa qai kaya ko koya vei iratou, Ia edaidai, o koya sa tu vua na taga i lavo, me kauta, me vaka talega kina na taga i kakana: ia ko koya sa sega vua nai seleiwau, mo volitaka na nonai sulu, ka volia kina e dua.

³⁷ Niʼu sa kaya vei kemudou. E dodonu me vakayacori vei au na ka sa volai vakaoqo, Sa wili vata ko koya kei ira na tamatai valavala ca; ni ua vakayacori sara me oti na veika e na vukuqu.

³⁸ A ratou sa kaya, Turaga, raica, o qo e rua nai seleiwau. A sa kaya ko koya vei iratou, Sa vinaka.

³⁹ A sa lako ki tautuba, ka lako, me vaka ua nonai valavala, ki na ulu-ni-vanua ni veiolive, a sa muri koya ko iratou na nona tisaipeli.

⁴⁰ Ia ni sa yaco ki na yasana ko ya, sa kaya vei iratou, Dou masu me kakua ni rawai kemudou na vere.

⁴¹ A sa sudra tani vei iratou e vaka na i kena yawa e lauviri kina na vatu, a sa tekiduru ka masu,

⁴² a sa kaya, Tamaqu, kevaka ko sa vinakata, kauta tani vei au na bilo o qo: ia me kakua ni yaco na noqu veitalia, ia na nomu ga.

⁴³ A sa rairai mai vei koya e dua na agilose mai lomalagi, a sa mai vakaukauwataki koya.

⁴⁴ Ia ni sa yaluma vakalevu sara, sa masu vakaukauwa kina: a sa yaco na nona buno me vaka na titiri ni dra ni sa lutu ki na qele.

⁴⁵ Ia ni sa tu cake tale mai na masu, ka yaco vei iratou na nona tisaipeli, sa kunei iratou ni ratou sa moce ni sa rarawa na lomadratou;

⁴⁶ a sa kaya vei iratou, Dou sa moce e na vuku ni cava? tu cake ka masu, de rawai kemudou na vere.

⁴⁷ Ia ni sa vosa tiko ko koya, raica, na lewe vuqa, kei koya talega sa vakatokai ko Juta, e dua vei iratou na lewe tinikarua, sa liutaki ira, a sa toro kabi vei Jisu me reguca.

⁴⁸ A sa kaya vua ko Jisu, Juta, o sa solia yani na Luve ni tamata ni ko sa reguca, ne?

⁴⁹ Ia ko iratou eratou sa tu voleka, ni ratou sa raica ua ka sa voleka ni yaco, eratou sa kaya vei koya, Turaga, e vinaka me keitou yaviti ira e nai seleiwau, se segai?

⁵⁰ A sa dua vei iratou sa yavita na nona tamata na bete levu, ka seledrutia na daligana i matau.

⁵¹ Sa qai vosa ko Jisu, ka kaya, Kua so mada ni vaka ga ko ya. A sa tara ua daligana, ka vakabula.

⁵² Sa qai kaya ko Jisu vei ira na bete levu, kei ira na turaga ni valu mai na vale ni soro, kei ira ua qase, era sa lako mai vei koya, Dou sa lakova beka mai e dua na daubutako, ni dou sa taura e so nai seleiwau kei nai wau, ne?

⁵³ Niʼu sa dautiko vata kei kemudou e na vale ni soro e na veisiga, dou sa sega ni dodoka vei au na ligamudou: ia na nomudou gauna o qo, kei na kaukauwa ni butobuto.

⁵⁴ A ra sa qai taura, ka tubera, ka kauta ki na nona vale na bete levu. A sa muri vakayawa ko Petero.

⁵⁵ Ia ni ra sa vakacaudreva na buka e na rara e na mata ni vale, ka ra sa tiko sobu vata kina, sa qai tiko sobu vata kei ira ko Petero.

⁵⁶ Ia sa dua na vada sa raici koya ni sa tiko voleka ki na buka, ka vakaraici koya matua, ka kaya, Ko koya o qo talega ka tiko kaya.

⁵⁷ A sa cakitaki koya ko koya, ka kaya, Yalewa, au sa sega ni kilai koya.

⁵⁸ A sa dede vakalailai ga sa dua tani tale sa raica, ka kaya, O iko talega e dua vei ira. A sa kaya ko Petero, Tagane, oi au e segai.

⁵⁹ A sa oti tale e dua na tiki-ni-bogi, a sa qai dua sa vakadinadina sara, ka kaya, Sa dina ga ni ka tiko kaya ko koya o qo, ni sa kai Kalili.

⁶⁰ A sa kaya ko Petero, Tagane, au sa sega ni kila na ka ko sa kaya. Ia ni sa vosa tiko ko koya, sa tagi sara na toa.

⁶¹ A sa vuki na Turaga, ka vakaraici Petero. A sa nanuma ko Petero na vosa ni Turaga, ni sa kaya vua, Ni sa bera ni tagi na toa, o na cakitaki au mada vakatolu.

⁶² A sa lako ki tautuba ko Petero, ka tagi vakalevu sara.

⁶³ Ia ko ira na tamata era sa tauri Jisu, era sa vakalialiai koya, ka yavita.

⁶⁴ Ia ni ra sa tabonaka na matana, era sa sabica na matana, ka taroga, ka kaya, Tukuna mai, se ko cei sa yaviti iko.

⁶⁵ Ia ka vuqa tale na ka era sa kaya ni ra sa vosavakacacataka.

⁶⁶ Ia ni sa siga na vanua, era sa soqoni vata ko ira na nodra qase na tamata kei ira na bete levu kei ira na vu-ni-vola, a ra sa kauti koya ki na nodra vale ni veilewai, ka taroga,

⁶⁷ O iko na Karisito, se segai? tukuna mai vei keitou. A sa kaya ko koya vei ira, Kevaka kaʼu tukuna vei kemudou, dou na sega ni vakadinata:

⁶⁸ ia kevaka kaʼu taro, dou na sega ni kaya mai, se sereki au.

⁶⁹ E na gauna emuri ena tiko na Luve ni tamata e na liga i matau ni Kalou kaukauwa.

⁷⁰ Era sa qai taroga kecega, O iko na Luve ni Kalou, se segai? A sa kaya vei ira ko koya, Dou sa kaya dina, ni sai au.

⁷¹ Era sa qai kaya, Me yaga tale vakacava me dua e beitaka? ni da sa rogoca ga koi keda mai na gusuna dina.