Josua 9 - AI VOLA TABU

Era sogo vata na tui ni vanua me veival kei Josua, 1, 2. A nodrai valavala vaqaseqas na kai Kipioni, 3-13. Sa veiyalayalati kei ir na nodra turaga na Isireli, 14, 15. Sa kilai n nodra lasu, 16, 17. Sa vakabulai ira ko Josua ka sa vakabobulataki ira me ra dauta buka k dautaki wai, 18-27.

¹ IA ni ra sa rogoca ko ira kecega n; tui sa tiko e na tai o qo ni Joritani io e na ulu-ni-vanua, kei na buca, ke na baravi kece ni waitui levu sa donu Lipanoni, ko ira na luve i Eci, kei ira na luve i Amori, ko ira na kai Kenani ko na lewe ni Veikoro lalai, ko ira na luve i Evi, kei ira na kai Jepusa;

² era qai soqe vata, ka ra sa yalovata ga me veivala ke Josua kei ira na Isireli.

³ Ia ko ira na kai Kipioni, ni ra sa ro goca na ka ka kitaka ko Josua ki Jeriko kei Ai,

⁴ era sa qai caka vaqaseqase; ia sa lako e so me vaka eratou sa tamata talai, ka vakavodoka na taga madra e so ki na nodratou veiasa, e so talega na tavaya kuli-ni-manumanu ni waini, sa madra, ka kadresu, ka vauci;

⁵ a sa vakaivava na yavadratou e nai vava sa madra ka tabonaki, a ra sa vakaisulu e nai sulu madra; ia sa mamaca ka vukovukoa na madrai kece sa nodratoui vaqa.

⁶ A ratou sa lako kivei Josua ki nai tikotiko mai Kilikali, a ratou sa kaya vua, vei ira talega na Isireli, Keitou sa lako mai mai na vanua vakayawa; ia o qo, dou ia na veiyalayalati kei keitou.

⁷ A ra kaya na Isireli vei iratou na luve i Evi, Do dou sa tiko e na keitou maliwa: ia keitou na ia na veiyalayalati vakaevei kei kemudou?

⁸ A ratou kaya vei Josua, Sa nomu tamata koi keitou. A sa kaya ko Josua,

⁰ cei koi kemudou? ka dou sa lako maivei?

⁹ A ratou kaya vua, Mai na vanua vakayawa sara sa lako maikina koi keitou na nomu tamata, e na vuku ni yaca i Jiova na nomu Kalou; ni keitou sa rogoca na kenai rogorogo, kei na ka kecega sa cakava ko koya mai Ijipita,

¹⁰ kei na ka kecega sa cakava ko koya vei rau na nodra tui na luve i Amori, vei Sioni na tui Esiponi kei Oki na tui Pasani, ka tiko mai Aseteroci, koi rau ka tiko mai tai kadua ni Joritani.

¹¹ A ra vosa vei keitou ko ira na neitou qase, kei na lewena kecega ni neitou vanua, ka kaya, Dou kauta e na ligamudou nai vaqa ki na gau-ni-sala, ka laʼki veitavaki kei ira, ka kaya vei ira, Sa nomudou tamata koi keitou: dou ia na veiyalayalati kei keitou.

¹² Na keitou madrai o qo keitou a kauta katakata mai na neitou veivale me neitoui vaqa, e na siga keitou a curu kina me lako mai vei kemudou, ia o qo, raica, sa mamaca ka vukovukoa.

¹³ Ia o qo na veitavaya kuli-ni-manumanu ni waini keitou a vakasinaita, ni ra sa vou; ka raica, era sa kadresu; ia na neitoui sulu o qo kei na neitoui vava, era sa madra mai e na vuku ni sa yawa sara na sala.

¹⁴ Ia na tamata, era sa taura na kedratou e so, ka sega mada ni taroga na gusu i Jiova.

¹⁵ A sa vosa ko Josua me sauvinaka tiko kei iratou, ka ia na veiyalayalati kei iratou, me vakabulai ira: a sa vosavavakini vei iratou ko ira na nodra turaga nai vavakoso.

¹⁶ Ia ni sa oti na bogi e tolu ni ra sa ia oti na veiyalayalati kei iratou, era sa rogoca ni ra sa tiko veivolekati, ka sa tiko e na kedra maliwa.

¹⁷ A ra sa toki na luve i Isireli, ka yaco ki na nodra Veikoro e na kenai katolu ni siga. Ia sa nodra Veikoro ko Kipioni, kei Kifira, kei Pieroci, kei Kiriaci-yiarimi.

¹⁸ A sa tawa mokuti ira ko ira na luve i Isireli, e na vuku ni sa vosavavakini oti kei ira ko ira na nodra turaga nai vavakoso, e na yaca i Jiova na Kalou nei Isireli. A sa vosakudrukudrutaki ira na turaga ko ira nai vavakoso taucoko.

¹⁹ A ra sa kaya na turaga kece vei ira nai vavakoso taucoko, Keitou sa vosavavakini vei ira e na yaca i Jiova na Kalou nei Isireli: ia o qo, sa tabu ni da tarai ira.

²⁰ O qo ga na ka eda na kitaka vei ira; eda na vakabulai ira ga, de da na cudruvi, e na vuku ni vosavavakini keitou a vosataka vei ira.

²¹ A ra sa kaya na turaga vei ira, Me ra bula ga. Ia era sa mai dauta buka ka dautaki wai vei ira nai vavakoso taucoko; me vaka ka vosa vei ira ko ira na turaga.

²² A sa kacivi iratou ko Josua, ka vosa vei iratou, ka kaya, A cava dou a vaqaseni keitou kina, ni dou sa kaya, Keimami sa tiko vakayawa sara vei kemudou, ni dou sa tiko e na keitou maliwa?

²³ ia dou sa qai cudruvi, ka sa sega ni mudu vei kemudou na bobula, kei na dauta buka kei na dautaki wai ki na vale ni noqu Kalou.

²⁴ A ratou sa vosa vei Josua, ka kaya, E na vuku ni sa tukuni vakaidina vei keimami na nomu tamata na ka ka vakarota ko Jiova na nomu Kalou vei Mosese na nonai talatala, me solia vei kemudou na vanua taucoko, a me vakamatea kecega na lewe ni vanua e na matamudou, keitou a qai rere vakalevu e na vukumudou de keimami mate, a keitou a kitaka na ka o qo.

²⁵ Ia o qo, raica, keimami sa tiko e na ligamu; mo kitaka na ka sa vinaka ka dodonu e matamu mo kitaka vei keimami.

²⁶ A sa kitaka vakakina vei ira ko koya, ka vakabulai ira mai na ligadra na luve i Isireli, me ra kakua ni vakamatei ira.

²⁷ A sa soli ira ko Josua e na siga ko ya, me ra dauta buka ka dautaki wai vei ira nai vavakoso, kei nai cabocabo-ni-soro i Jiova, e na tikina sa digitaka ko koya, a ra sa vakakina ka yacova na siga edaidai.