Josua 8 - AI VOLA TABU

Era kabati Ai, e na vosa i Jiova, ka vakama, 1-29. Sa vola ko Josua nai vakarua ni vunau, a sa qai wilika, 30-35.

¹ A SA kaya vei Josua ko Jiova, Mo kakua ni rere, se yalolailai: mo kauti ira na tamatai valu kecega vata kei iko, ka ia, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

² ia mo kitaki Ai kei na kena tui, me vaka ko a kitaki Jeriko kei na kena tui; ia nai toki ni valu sa rawai kina, kei na kena manumanu e yavai va, dou na kauta me nomudou: mo lawavaka na koro mai dakuna.

³ A sa ia ko Josua, kei ira na tamatai valu kece, me lako cake ki Ai: a sa digia ko Josua e tolusagavulu na udolu na tamatai valu qaqa, ka talai ira yani ni sa bogi na vanua.

⁴ A sa vakarota vei ira, ka kaya, Raica, dou na lawavaka na koro, io mai na daku ni koro: dou kakua ni yawa sara mai na koro, ia dou vakarau kece tu.

⁵ Ia koi au kei ira na tamata kecega era tiko vei au, keitou na toro ki na koro: ia ni ra na curu kitautuba me veitata kei keitou, me vaka eliu, keitou na drotaki ira,

⁶ (ni ra na curu muri keitou mai etautuba,) me keitou vecei ira mada mai na koro; ni ra na kaya, Era sa drotaki keda, me vaka eliu; ia keitou na drotaki ira kina.

⁷ Dou na qai tu cake mai na tikina dou a lawa koto kina, ka kabata na koro, ia ena solia ki na ligamuni ko Jiova na nomuni Kalou.

⁸ Ia ni dou sa rawata na koro, dou na qai tutuvaka na koro e na buka: me vaka na vosa i Jiova dou na kitaka. Raica, au sa vakarota vei kemudou.

⁹ A sa talai ira yani ko Josua, a ra sa lako ki na tikina me ra lawa koto kina, a ra sa tiko e na kedrau maliwa ko Peceli kei Ai, kivaka ki ra mai Ai: ia ka sa moce ko Josua e na kedra maliwa na tamata e na bogi ko ya.

¹⁰ A sa sou e na sabogibogi ko Josua, ka wiliki ira na tamata, ka lako cake, ko koya kei ira na qase ni Isireli, ka liutaki ira na tamata ki Ai:

¹¹ ia ko ira kecega na tamatai valu era tiko kaya, era lako cake, ka toro voleka, ka lako me donuya na koro, a ra laʼki tiko mai na mata ni tokalau ki Ai; ia e na kedra maliwa kei Ai sa tu na buca.

¹² Ia ka sa kauta ko koya e lewe lima na udolu beka na tamata, ka lesi ira me ra laʼki lawa e na kedrau maliwa ko Peceli kei Ai, kivaka ki ra ki na koro.

¹³ Ia ni sa vakatikori ira na tamata, io na tamatai valu kecega, ki na yasa ni koro sa donuya na tokalau, kei ira na tamata era lawa ki na yasa ni koro sa donuya na ra, sa qai lako ko Josua ki na loma ni buca e na bogi ko ya.

¹⁴ Ia ni sa raica ko na tui Ai, era vaka-riri ka sou e na sabogibogi, ka curu yani na lewe ni koro me tavaki ira na Isireli me ra veivala, ko koya, kei na nona tamata kecega, e na tiki-ni-siga sa loku, vaka ki na mata ni cecelevu, a sa tawa kila ko koya ni sa tiko vua na lawa e na daku ni koro.

¹⁵ Ia ko Josua kei ira kecega na Isireli era vaka era sa gu ca vei ira, a ra sa dro e na sala kivaka ki na lekutu.

¹⁶ A sa qo-louvaki me ra soqoni vata na tamata kecega sa tiko e na koro me cicivi ira, a ra sa cicivi Josua, a ra sa vecei mai na koro.

¹⁷ A sa sega na tamata sa vo e Ai kei Peceli, me tawa laʼki muri ira na Isireli, a ra sa laiva na koro ka sa dola tu na matamata-ni koro, ni ra sa laʼki muri ira na Isireli.

¹⁸ A sa kaya vei Josua ko Jiova, Mo dodoka na moto sa tu e ligamu kivaka ki Ai; niʼu sa solia ki na ligamu. A sa dodoka ko Josua na moto sa tu e ligana kivaka ki na koro:

¹⁹ a sa tu cake vakasauri na lawa mai na nodra tikina, ka cici ni sa dodo tu na ligana, a ra sa lako mai ki na koro, ka rawata, a ra vakariri me vakama na koro e na buka.

²⁰ A ra sa gole kimuri na kai Ai, ka sa kunea, ka, raica, sa lako cake ki lagi na kubou ni koro, a ra sa sega ni dro rawa vaka, se vaka, ia ko ira ka dro vaka ki na lekutu, era vuki me vala kei ira sa vakasavi ira.

²¹ Ia ni sa raica ko Josua kei ira na Isireli kecega ni ra sa rawata na koro na lawa, a sa lako cake na kubou ni koro, era qai vuki, ka mokuti ira na kai Ai.

²² Ia ko ira ka lawa era curu kitautuba mai na koro me ra tavaki ira; a ra sa tiko vakaoqo e na kedra maliwa na Isireli, ni sa tiko e so vaka, a sa tiko e so vaka, a ra sa mokuti ira, ka sega ni laiva e dua vei ira me vo se dro.

²³ Ia ko na tui Ai, era taura bula, ka kauta mai vei Josua.

²⁴ Ia ni sa vakamatei ira oti kecega na kai Ai ko ira na Isireli, e na veiwere, e na lekutu era a vakasavi ira kina, ia ni ra sa bale kece e na bati ni seleiwau, a ra sa oti kina, era sa qai lesu na Isireli kecega ki Ai, ka yavita e na bati ni seleiwau.

²⁵ Ia ko ira kece na tagane kei na alewa ka bale e na siga ko ya, era sa tinikarua na udolu, io na kai Ai kecega.

²⁶ A sa sega ni lokia na ligana ko Josua, ka dodoka kina na moto, ka sa vakamatea me oti mada eliu na kai Ai kecega.

²⁷ Ia na manumanu e yavai va kei nai toki ni valu mai na koro ko ya, era kauta na Isireli me nodra, me vaka na vosa ka vakarota vei Josua ko Jiova.

²⁸ A sa vakamai Ai ko Josua, ka cakava me suva wale tu ka tawa mudu; io ka yacova na siga o qo.

²⁹ Ia ko na tui Ai sa vakarubeca ko koya e na kau me yakavi mada, ia ni sa laʼki dromu na siga, sa qai vakarota ko Josua, a ra sa kevutaka na yagona mai na kau, ka biuta ki na matamata-ni-koro, ka binia ki delana nai binibini vatu levu, a ya sa tu ka yacova na siga edaidai.

³⁰ Sa qai tara e dua nai cabocabo-ni-soro ko Josua vei Jiova na Kalou no Isireli, mai na ulu-ni-vanua ko Epali,

³¹ n vaka ka vakaroti ira na luve i Isireli k Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa tawa ta ka tawa laveti cake kina na kaukamea; ra sa cabora kina e so nai soro kama vo Jiova, ka vakamatea e so nai madrali e n veivinakati.

³² A sa vola kina ko koya e na veivatu dua nai vakarua ni vunau i Mosese, a ya k vola ko koya e matadra na luve i Isireli.

³³ Ia ko ira kecega na Isireli, kei ira n nodra qase, kei na turaga lalai, kei n nodra dauveilewai, na vulagi kei nai tauk talega, era sa tu mai na kena yasa o qo ko na kena yasa ko ya ni kato, e na matadra n bete na luve i Levi, era sa colata na kato i veiyalayalati i Jiova; e dua na kedra was sa donuya na ulu-ni-vanua ko Kirisimi, k dua na kedra wase sa donuya na ulu-ni-vanua ko Epali; me ra vosavakalougatatak ira na kai Isireli, me vaka ka vakarota eli ko Mosese nai talatala i Jiova.

³⁴ A s oti sa qai wilika ko koya na vosa kece r vunau, na vosa ni veivakalougatataki kt na vosa ni veivakarusai, me vaka na k kecega sa volai e nai vola ni vunau.

³⁵ Sa sega ni dua na vosa e na ka kece k vunautaka ko Mosese, me tawa wilika k Josua, e na matadra nai vavakoso taucok nei Isireli, kei ira na alewa kei na gon lalai, kei na vulagi era sa tiko lako ke ira.