Josua 6 - AI VOLA TABU

Sa vakaroti Josua ko Jiova e na vuku i Jeriko 1-5. Era vakaroti volita na koro ka boi vitu, 6-14. Era kabata na koro, ka vakarus sara, 15-21. Sa vakabulai ko Reapi kei na wo kana, 22-25. Sa na ca na tamata ena tara tat na koro, 26, 27.

¹ A SA sogo vakaukauwa ko Jeriko e n vukudra na luve i Isireli; sa sega e cur yani, ka sega e curu mai.

² A sa kaya ko Jiova vei Josua, Raica au sa soli Jeriko ki na ligamu, kei na ken tui, kei na kena tamatai valu kaukauwa.

³ Ia dou na volita na koro, koi kemu kece na tamatai valu; dou na lako vaka dua me vakavolivolita na koro: ko n kitaka vakakina ka ono na siga.

⁴ Ia n bete e vitu ena kauta na davui vakajupeli e vitu, me liutaka na kato: ia e na kenai kavitu ni siga dou na volita vakavitu na koro, ia ena uvuca lako na davui ko iratou na bete.

⁵ Ia ni sa uvuci vakabalavu na davui vakajupeli, ni dou sa rogoca na domo ni davui, era na qai kailavaka na kaila levu na tamata kecega, ia ena qai bale e na kena tikina na bai ni koro, ka ra na lako cake na tamata, na tamata yadua e na tikina sa dui donui koya.

⁶ A sa kacivi iratou na bete ko Josua na luve i Nuni, ka kaya vei iratou, Dou laveta cake na kato ni veiyalayalati, ia me vitu na bete me kauta na davui vakajupeli e vitu, me liutaka na kato i Jiova.

⁷ Sa kaya talega ko koya vei ira na tamata, Dou lako yani ka volita na koro, ka me liutaka na kato i Jiova ko koya sa vakaiyaragi.

⁸ Ia ni sa vosa oti vei ira na tamata ko Josua, sa qai lako yani ko iratou na bete e vitu sa kauta na davui vakajupeli e vitu me liutaki Jiova, a ratou uvuca na davui; ka sa muri iratou na kato ni veiyalayalati i Jiova.

⁹ Ia ko ira sa vakaiyaragi, era liutaki iratou na bete sa uvuca na davui, a sa lako muria na kato ko ira sai tinitini, ni sa lako tiko ko iratou ka uvuca lako na davui.

¹⁰ A sa vakarota vei ira na tamata ko Josua, ka kaya, Dou kakua ni kaila, se vakarogotaka na domo-mudou, ia me kakua na vosa me lako mai na gusumudou, ka me yaco mada na siga kaʼu na kaya kina vei kemudou, Dou kaila; dou na qai kaila.

¹¹ A sa laʼki volita na koro na kato i Jiova, ka volita vakadua; ka ra lako tale mai ki nai tikotiko, ka moce e nai tikotiko.

¹² A sa sou ko Josua e na sabogibogi, a ratou laveta cake na kato i Jiova na bete.

¹³ Kei na bete e vitu eratou kauta na davui vakajupeli e vitu, sa liutaka na kato i Jiova, ka uvuca lako na davui: ia ka sa liutaki iratou ko ira sa vakaiyaragi; a sa muria na kato i Jiova ko ira sai tinitini, ni sa lako tiko ko iratou ka uvuca na davui.

¹⁴ A ra lako volita vakadua na koro e na kenai karua ni siga, a ra lesu tale ki nai tikotiko: era kitaka vakakina ka ono na siga.

¹⁵ Ia e na kenai kavitu ni siga era sa sou e na mataka caca, ka lako vakavolivolita vakavitu na koro me vaka ka ra daukitaka, ia e na siga ga o qori era lako vakavolivolita vakavitu na koro.

¹⁶ Ia e na kenai kavitu ni lakolako, ni sa uvuca tiko na davui ko iratou na bete, sa qai kaya ko Josua kivei ira na tamata, Dou kaila; ni sa solia vei kemudou na koro ko Jiova:

¹⁷ ia ena vakarusai e na vuku i Jiova na koro, o qori, kei na ka kecega sa tiko kina; ko Reapi duaduaga na alewa dauyatagane ena bula, o koya kei ira kece sa tiko kaya e na vale, e na vuku ni sa vunia ko koya nai talaki eda a tala yani:

¹⁸ ia koi kemuni, mo ni tarovi kemuni mai na ka sa lesi me vakarusai, do dou vakarusai kemuni, ni dou sa tara na ka sa lesi me vakarusai, ka kauta talega na rusa ki na koro nei Isireli, ka vakararawataka.

¹⁹ Ia na siliva kecega, kei na koula, kei nai yaya parasa kei na aironi, sa tabu me nei Jiova: ena kau mai ki nai tutu-ni-yau i Jiova.

²⁰ A ra sa kaila na tamata, ni sa uvu na davui, ia ni ra sa rogoca na domo ni davui na tamata, sa ra qai kailavaka na kaila levu na tamata, a sa bale e na kena tikina na bai, ka ra lako cake na tamata ki na koro, na tamata yadua e na tikina sa dui donui koya, a ra sa rawata na koro.

²¹ A ra vakarusa e na bati ni seleiwau na ka kece sa tiko e na koro, na tagane kei na alewa, na cauravou kei na qase, kei na karavau, kei na sipi, kei na asa, e na vuku ni cudru.

²² A sa kaya ko Josua vei rau na tamata ka rau rai vanua, Drau curu ki na nona vale na alewa dauyatagane, ka kauta maikina kitautuba na alewa kei na nona ka kecega, me vaka drau a vosavavakini kina vua.

²³ Ia na cauravou ka laʼki rai vanua, erau sa curu, ka kauti Reapi mai kitautuba, kei na tamana, kei na tinana, kei iratou na ganena, kei na nona ka kecega: a rau kauta mai kitautuba na wekana kecega, ka laivi ira tu e nai bili ni nodrai tikotiko na Isireli.

²⁴ A ra sa vakama na koro e na buka, kei na ka kecega sa tu kina: ia na siliva, kei na koula, kei nai yaya parasa kei na aironi, era viria ki na tutu-ni-yau e na vale i Jiova.

²⁵ A sa vakabulai Reapi na dauyatagane ko Josua, kei na lewe-ni-vale nei tamana, kei na nona ka kecega, a sa tiko ko koya e na kedra maliwa na Isireli ka yacova na siga o qo, e na vuku ni sa vunia ko koya nai talaki e rua ka tala ko Josua me yamata ki Jeriko.

²⁶ A sa vosavavakini ko Josua e na siga ko ya, ka kaya, Ena cudruvi maivei Jiova na tamata sa na tu cake me tara na koro o qo, ko Jeriko: ena mate na nona ulumatua ni sa tauca na kena yavu, ka mate na nonai tinitini ni sa vakatura cake na kenai sogo ni matamata-ni-koro.

²⁷ A sa tiko kei Josua ko Jiova, a sa kuruseta na vanua taucoko na kenai rogorogo.