Josua 3 - AI VOLA TABU

Sa ra lako-kosova na Joritani ko ira kecega na Isireli, e na qele mamaca.

¹ A SA sou ko Josua e na sabogibogi; a ra sa toki mai Sitimi, ka lako mai ki na Joritani, ko koya kei ira kecega na luve i Isireli, ka ra moce maikina eliu, ka ra qai lako emuri ki na tai kadua.

² A sa oti na bogi e tolu, ka ra qai lako na turaga lalai e na maliwa ni tikotiko;

³ a ra vakaroti ira na tamata, ka kaya, Ni dou sa raica na kato ni veiyalayalati i Jiova na nomudou Kalou, kei ira na bet na luve i Levi ni ra sa colata lako, mo do qai yavala mai na nomudou tikina, k muria:

⁴ ia me dua na maliwa vei kemu dou kei na ka ko ya, me va na udolu n caga beka na kenai vakarau: dou kakua n torova, mo dou kila kina na sala dou n lako kina: ni dou a sega ni lako e na sai o qo eliu.

⁵ A sa kaya ko Josua vei ira na tamata Dou vakasavasavataki kemudou: ni n kitaka na cakacaka-mana e so ko Jiova na kemudou maliwa e na sabogibogi.

⁶ A sa vosa ko Josua vei ira na bete, k kaya, Dou laveta cake na kato ni veiya layalati, ka liutaki ira na tamata. A ra laveta cake na kato ni veiyalayalati, ka liutaki ira na tamata.

⁷ A sa kaya ko Jiova vei Josua, Au na vakatekivu me vakalevutaki iko e na siga o qo e matadra na Isireli kecega, me ra kila niʼu na tiko kei iko me vaka kaʼu a tiko kei Mosese.

⁸ Ia ko iko, mo vaka roti ira na bete sa colata na kato ni vei yalayalati, ka kaya, Ni dou sa lako mai k na bati ni wai kei Joritani, dou na tu vakadua e na Joritani.

⁹ A sa kaya ko Josua kivei ira na luve i Isireli, Dou toro mai, ka rogoca na vosa i Jiova na nomudou Kalou.

¹⁰ Sa kaya talega ko Josua, E na ka o qo dou na kila ni sa tiko e na kemudou maliwa na Kalou bula, ka na vakasevi ira vakaidina e na matamudou na kai Kenani, kei ira na luve i Eci, kei ira na luve i Evi, kei ira na lewe ni Veikoro lalai, kei ira na kai Kere kesa, kei ira na luve i Amori, kei ira na kai Jepusa:

¹¹ Raica, na kato ni vei yalayalati ni Turaga kei vuravura kecega sa liutaki kemudou ki loma ni Joritani.

¹² Ia o qo, dou kauta vei kemudou na tamata e lewe tinikarua maivei ira na vei yavusa nei Isireli, me tauyadua na tamata mai na veiyavusa.

¹³ Ia ni sa tu e na wai kei Joritani na qeteqete ni yavadra na bete sa colata na kato i Jiova na Turaga kei vuravura kecega, ena qai muduki na wai kei Joritani, io na wai sa lako sobu maicake, ka na tu kicake me vaka e dua nai bukebuke.

¹⁴ Ia ni ra sa yavala na tamata mai nodra veivale, me lako-kosova na Joritani, sa qai liutaki ira na tamata ko ira na bete ka colata na kato ni veiyalayalati;

¹⁵ ia ni ra sa yaco ki na Joritani ko ira ka colata na kato, ka sa dromu e na bati ni wai na yavadra na bete ka colata na kato (ni sa vuabale na Joritani e na batina kece, e na gauna kece ni magomago),

¹⁶ sa qai tu vakadua na wai sa lako sobu maicake; sa tubu me cecere, me vaka e dua nai bukebuke, ka vakayawa sara, mai Atama, na koro sa rau veivolekati kei Saricani: a sa muduki laivi o qori sa lako sobu kivaka ki na waitui mai na cecelevu, io, na waitui tuituina; a ra sa lako ki tai kadua ko ira na tamata e na tikina ka donui Jeriko.

¹⁷ A sa tu dei e na qele mamaca e na loma ni Joritani ko ira na bete ka colata na kato ni veiyalayalati i Jiova, a sa lako e na qele mamaca ki na tai kadua ko ira kecega na Isireli, ka sa oti na matanitu taucoko ni ra lako-kosova na Joritani.