Josua 15 - AI VOLA TABU

A veiyalayala ni nodrai votavota na Juta, 1-12. Sa votai vei Kalepi ko Epironi, 13-19. A nodra Veikoro na yavusa i Juta, 21-63.

¹ IA sai votavota ni nodra yavusa na luve i Juta me vaka na nodra veimataqali: sa yaco ki nai yalayala kei Itomi, na veikau ko Sini, mai na mata ni ceva, ai yalayala sara ni ceva.

² Ia na nodrai yalayala mai na mata ni ceva sa vakatekivu mai na matasawa ni Wasa Tuituina, mai na toba sa qarava na mata ni ceva:

³ a sa lako yani vaka ki na ceva ka yaco ki Meele-akirapimi, ka lako yani ki Sini, a sa lako cake mai na ceva ka yaco ki Ketesa-parinea, ka lako yani ki Esironi, ka lako cake ki Etari, ka lako voli ki Karika:

⁴ sa lako yani vaka ki Asimoni, ka laʼki yacova na uciwai ni Ijipita; ia nai mudumudu ni yalayala ko ya na waitui: o qo ena nomudoui yalayala ki na ceva.

⁵ Ia nai yalayala mai cake na Wasa Tuituina, sa yacova nai otioti ni Joritani. Ia nai yalayala mai na yasana sa koto vaka ki na tokalau sa vakatekivu mai na toba ni wasawasa, mai nai otioti ni Joritani:

⁶ a sa lako cake nai yalayala ki Peci-okila, ka sa lako yani mai na yasana ki na tokalau ki Peci-arapa; a sa lako cake nai yalayala ki na Vatu i Poani, na luve i Rupeni:

⁷ a sa lako cake nai yalayala kivaka ki Tipiri, mai na buca i Akori, kivaka ki na tokalau, sa qaravi Kilikali, o qori sa mai na sala sa lako cake ki Etumimi, a ya mai na tai ni uciwai kivaka ki na ceva: a sa lako yani nai yalayala ki na wai ni Eni-semesi, ia na kenai mudumudu ko Eni-rokeli:

⁸ a sa lako cake nai yalayala mai na buca ni luve i Inomi, ki na yasana kivaka ki na ceva vei ira na kai Jepusa, a ya ko Jerusalema: a sa lako cake nai yalayala ki na tuatua sa qarava na buca nei Inomi sa donuya na ra, o qori mai nai otioti ni nodra buca na luve i Refei kivaka ki na mata ni tokalau:

⁹ a sa volai nai yalayala mai na tuatua ki na wai vure mai Nefitoa, ka lako yani ki na veikoro mai na ulu-ni-vanua ko Efironi; a sa volai na kenai yalayala ki Peala, a ya ko Kiriaci-yiarimi:

¹⁰ a sa lako voli nai yalayala mai Peala kivaka ki ra ka yacova na ulu-ni-vanua ko Seira, ka lako yani ki na yasa ni ulu-ni-vanua ko Yiarimi, a ya ko Kisaloni, ki na yasana sa qarava na tokalau, a sa lako sobu ki Peci-semesi, ka lako yani ki Timina:

¹¹ a sa lako yani nai yalayala ki na yasana kei Ekironi vaka ki na tokalau: a sa volai nai yalayala ki Sikironi, ka lako yani ki na ulu-ni-vanua ko Peala, ka yala ki Yapinieli; ia nai mudumudu ni yalayala na waitui.

¹² Ia nai yalayala mai ra na Wasa Levu, kei na kena baravi. Sa lako voli vakaoqo na kedrai yalayala na luve i Juta me vaka na nodra veimataqali.

¹³ A sa solia ko koya nai votavota vei Kalepi na luve i Yifune e na kedra maliwa na luve i Juta, me vaka na vosa i Jiova vei Josua; io na koro i Aripa, na tama i Anaki: a ya ko Epironi:

¹⁴ a sa vakasevi iratou maikina ko Kalepi na luve i Anaki e tolu, o Sesei, kei Eiimani, kei Talimei, eratou luve i Anaki:

¹⁵ a sa lako cake maikina ko koya kivei ira na kai Tipiri: ia na yaca i Tipiri eliu ko Kiriaci-seferi.

¹⁶ A sa kaya ko Kalepi, O koya ena sa samuti Kiriaci-seferi, ka rawata, au na soli Aki sa na luvequ me watina.

¹⁷ A sa rawata ko Ocinieli na luve i Kinasi, na taci i Kalepi: a sa solia vua ko koya na luvena alewa ko Akisa me watina:

¹⁸ ia, ni sa lako mai na alewa, sa vakauqeta na watina me kerea e dua na tiki ni vanua maivei vugona: a sa sobu mai na asa na alewa, a sa kaya vua ko Kalepi,

⁰ sa vakaevei?

¹⁹ A sa kaya ko koya, Mo solia vei au na ka meʼu kalougata kina; ni ko sa solia oti vei au e dua na vanua ki na mata ni ceva; mo solia talega vei au e so na mata ni wai. A sa solia vua ko koya na mata ni wai ecake, kei na mata ni wai era.

²⁰ O qo nai votavota ni nodra yavusa na luve i Juta me vaka na nodra veimataqali.

²¹ Ia na veikoro sa toka e nai yalayala ni nodra yavusa na luve i Juta e nai yalayala vaka ki Itomi vaka ki na mata ni ceva, o Kapisieli, kei Eteri, kei Yakuri,

²² kei Kina, kei Timona, kei Atiata,

²³ kei Ketesi, kei Asori, kei Icinani,

²⁴ ko Sifi, kei Telemi, kei Paloci,

²⁵ kei Asori, ko Etata, kei Kirioci, ko Esironi, a ya ko Asori,

²⁶ ko Emami, kei Sema, kei Molata,

²⁷ kei na koro ko Kata, kei Esimoni, kei Peci-paleti,

²⁸ kei na koro ko Suali, kei Pieri-sepa, kei Pisiyociya,

²⁹ ko Peala, kei Iyimi, kei Esemi,

³⁰ kei Elitolati, kei Kisili, kei Orima,

³¹ kei Sikilaki, kei Matimana, kei Sanisana,

³² kei Lipaoci, kei Silimi, kei Ayini, kei Rimoni: sa ruasagavulu ka ciwa na veikoro kece vata kei na kedra veikoro lalai:

³³ E na buca, ko Esitaoli, kei Sora, kei Esina,

³⁴ kei Sanoa, kei Eni-kanimi, ko Tapua, kei Enami,

³⁵ ko Yarimuci, kei Etulama, ko Soko, kei Aseka,

³⁶ kei Sareimi, kei Eticayimi, kei Kitera, kei Kiteroceimi; e tinikava na koro kei na kedra veikoro lalai:

³⁷ ko Sinani, kei Etasa, kei Mikitali-kata,

³⁸ kei Tilani, kei Misipe, kei Yokicieli,

³⁹ ko Lakisi, kei Posikaci, kei Ekiloni,

⁴⁰ kei Kaponi, kei Lamasi, kei Kicilisi,

⁴¹ kei Kiteroci, ko Peci-takoni, kei Neama, kei Maketa; e tinikaono na koro kei na kedra Veikoro lalai:

⁴² ko Lipina, kei Eceri, kei Asani,

⁴³ kei Yifita, kei Esena, kei Nisipi,

⁴⁴ kei Kila, kei Ekisipi, kei Maresa; e ciwa na koro kei na kedra Veikoro lalai:

⁴⁵ ko Ekironi, kei na Veikoro lalai sa volita:

⁴⁶ mai Ekironi ka yacova na waitui: kecega sa no voleka ki Esitoti, kei na kedra Veikoro lalai:

⁴⁷ ko Esitoti, kei na Veikoro lalai sa volita, ko Kesa, kei na kena Veikoro lalai sa volita, ka yaco ki na uciwai ni Ijipita, kei na Wasa Levu, kei na baravi:

⁴⁸ Ia mai na ulu-ni-vanua, ko Samiri, kei Yatiri, kei Soko,

⁴⁹ kei Tana, kei Kiriaci-sana, a ya ko Tipiri,

⁵⁰ kei Anapi, kei Esitimoa, kei Animi,

⁵¹ kei Koseni, kei Oloni, kei Kilo; e tinikadua na koro kei na kedra veikoro lalai:

⁵² ko Erapi, kei Tuma, kei Esani,

⁵³ kei Yanumi, kei Peci-tapua, kei Efeka,

⁵⁴ kei Umita, kei Kiriaci-aripa, (a ya ko Epironi,) kei Siori; e ciwa na koro kei na kedra Veikoro lalai:

⁵⁵ ko Maoni, ko Karimeli, kei Sifi, kei Juta,

⁵⁶ kei Isireli, kei Yokitiami, kei Sanoa,

⁵⁷ ko Keni, ko Kipia, kei Timina; e tini na koro kei na kedra veikoro lalai:

⁵⁸ ko Aluli, ko Pecisuri, kei Kitori,

⁵⁹ kei Meeraci, kei Peci-anoci, kei Elitikoni; e ono na koro kei na; kedra Veikoro lalai:

⁶⁰ ko Kiriaci-peali, (a ya ko Kiriaci-yiarimi,) kei Rapa; e rua na koro kei na kedrau veikoro lalai:

⁶¹ Mai na veikau, ko Peci-arapa, ko Mitini, kei Sikaka,

⁶² kei Nipisani, kei na Koro ni masima, kei Eni-keti; e ono na koro kei na kedra Veikoro lalai.

⁶³ Ia ko ira na kai Jepusa, na kai Jerusalema, sa sega ni vakasevi ira rawa ko ira na luve i Juta: a ra sa tiko vata ga na kai Jepusa kei ira na luve i Juta mai Jerusalema, ka yacova na siga o qo.