Josua 12 - AI VOLA TABU

Ai wiliwili ni tui era gu ca.

¹ IA ko ira o qo na tui ni vanua, sa ra mokuta na luve i Isireli, ka taukena na nodra vanua e na tai kadua ni Joritani kivaka ki nai cadracadra ni siga, mai na uciwai ko Arinoni ki na ulu-ni-vanua ko Erimoni, kei na cecelevu kece mai na vanua mai cake:

² o Sioni na nodra tui na luve i Amori, ko koya ka tiko mai Esiponi, ka lewa sa vakatekivu mai Aroeri, a ya sa tu mai na bati ni uciwai ko Arinoni, kei na loma ni uciwai, kei na dua na wase ni Kiliati, ka yacova na uciwai ko Yapoki, nai yalayala ni nodra vanua na luve i Amoni;

³ na cecelevu talega ka yaco ki na Wasawasa ko Kineroci mai cake, ka yaco ki na Wasawasa mai na cecelevu, na Wasa Tuituina mai cake, e na sala ki Peci-yisimoci; mai na ceva talega e na ruku i Asitoci-pisika:

⁴ kei na yasana nei Oki na tui Pasani, o koya ka vo vei ira na tamata yagolevu, a ya ka tiko mai Aseteroci kei Etirei,

⁵ a sa lewa mai na ulu-ni-vanua ko Erimoni, kei Salika, kei Pasani taucoko, ka yacova na nodrai yalayala na kai Kisuri, kei na luve i Meeka, kei na dua na wase i Kiliati, na yasana nei Sioni na tui Esiponi.

⁶ Sa mokuti ira o qo ko Mosese nai talatala i Jiova, kei ira na luve i Isireli: a sa solia ko Mosese nai talatala i Jiova vei ira na luve i Rupeni, kei ira na luve i Kata, kei na dua na wase ni yavusa i Manase, me ra taukena.

⁷ Ia ko ira o qo na tui ni vanua ka mokuta ko Josua, kei ira na luve i Isireli, e na tai o qo ni Joritani kivaka ki ra, sa vakatekivu mai Peali-kata e na buca kei Lipanoni ka yacova na ulu-ni-vanua ko Alaki, sa lako cake ki Seira; ia sa solia ko Josua ki na veiyavusa nei Isireli me ra taukena, me vaka na nodra wasewase;

⁸ e na veiulu-ni-vanua, kei na veibuca, kei na veicecelevu, kei na veimata-ni-wai, e na lekutu talega, kei na vanua sa no e na mata ni ceva; o ira na luve i Eci, o ira na luve i Amori, kei ira na kai Kenani, o ira na lewe ni Veikoro lalai, o ira na luve i Evi, kei na kai Jepusa:

⁹ na tui Jeriko, e dua; na tui Ai, a ya sa voleka ki Peceli, e dua;

¹⁰ na tui Jerusalema, e dua; na tui Epironi, e dua;

¹¹ na tui Yarimuci, e dua; na tui Lakisi, e dua;

¹² na tui Ekiloni, e dua; na tui Keseri, e dua;

¹³ na tui Tipiri, e dua; na tui Keteri, e dua;

¹⁴ na tui Orima, e dua; na tui Arati, e dua;

¹⁵ na tui Lipina, e dua; na tui Atulami, e dua;

¹⁶ na tui Maketa, e dua; na tui Peceli, e dua;

¹⁷ na tui Tapua, e dua; na tui Eferi, e dua;

¹⁸ na tui Efeki, e dua; na tui Lesaroni, e dua;

¹⁹ na tui Matoni, e dua; na tui Asori, e dua;

²⁰ na tui Simironi-mironi, e dua; na tui Ekisafi, e dua;

²¹ na tui Teenaki, e dua; na tui Mikito, e dua;

²² na tui Ketesi, e dua; na tui Yokiniami, mai Karimeli, e dua;

²³ na tui Tori, mai na yasana nei Tori, e dua; na tui ni veivanua mai Kilikali, e dua;

²⁴ na tui Tirisa, e dua: na tui kecega, era tolusagavulu ka dua.