Jope 9 - AI VOLA TABU

Sa vakadinadina ko Jope ni sa dodonu na Kalou, a sa sega e veivala kaya rawa, 1-21. Sa sega ni rairai ni sa cala na tamata ni sa yacovi koya na ka ca, 22-35.

¹ SA qai vosa ko Jope, ka kaya,

² Au sa kila vakaidina ni sa vakakina: ia ka sa dodonu rawa vakaevei na tamata e na mata ni Kalou?

³ Kevaka sa via veileti kaya, ena sega ni vosa rawa vua ki na ka e dua e na ka e udolu.

⁴ Sa vuku na lomana, a sa ka vakaidina na nona kaukauwa: o cei sa vakalomaqataki koya vua, ka sa sautu kina?

⁵ O koya sa kauta tani na veiulu-ni-vanua, a ra sa sega ni kila, o koya sa vukica e nona cudru:

⁶ o koya sa yavalati vuravura tani mai na kena yasana, a sa veitosoyaki na kena duru:

⁷ o koya sa vunauca na siga, a sa sega ni cadra; a sa sogolatia na kalokalo:

⁸ o koya sa birika vakai koya ga na lomalagi, a sa butuka tu na dela ni ua ni wasawasa:

⁹ o koya sa cakavi Arikituro, kei Oreoni, kei Peliatisi, kei na veiyasana vuni e na mata ni ceva:

¹⁰ o koya sa daucakava na ka levu sa sega ni kilai rawa; ia na ka e veivakidacalataki sa sega ni wiliki rawa.

¹¹ Raica, sa lako volekati au mai, kaʼu sa sega ga ni raica: sa lako voli yani, kaʼu sa sega ga ni kunea.

¹² Raica, sa kauta tani ko koya, o cei me vakasuka rawa? o cei me kaya vua, A cava ko sa kitaka?

¹³ Kevaka sa sega ni tarova nona cudru na Kalou, sa ra na vakacuva e rukuna ko ira na dauveivuke e viavialevu.

¹⁴ Sa dredre vakalevu vei au meʼu vosa vua, se digitaka na vosa meʼu veilewai kaya?

¹⁵ Ia kevaka kaʼu sa yalododonu, kaʼu na sega ga ni vosa vua, kaʼu na vakamamasu ga vua sa lewai au.

¹⁶ Kevaka kaʼu a kaci, ka rogo mai vei au ko koya, kaʼu na sega ga ni dinata ni sa vakarogoca na domoqu.

¹⁷ Ni sa vorolaki au ko koya e na cava, ka vuetaki au vakalevu wale.

¹⁸ Sa sega ni laivi au meʼu cegu rawa, a sa vakamarautaki au e na ka gaga.

¹⁹ Kevaka kaʼu cavuta na kaukauwa, raica, sa kaukauwa ko koya: se na lewa, o cei me na lokuca mai na neirau siga?

²⁰ Kevaka kaʼu sa vakadonui au, ena vakacalai au na gusuqu: kevaka kaʼu sa kaya kaʼu sa tawa cala, ena vakatakilai au niʼu sa yalovakatani.

²¹ Kevaka kaʼu sa tawa cala, kaʼu na sega ni kila na yaloqu: kaʼu na vakasisilataka na noqu bula.

²² Sai koya vata ga kaʼu sa kaya, Sa vakarusa ko koya na yalododonu kei nai valavala ca.

²³ Kevaka sa vakidacala na kena ia na veivakamatei na kuita, ena dredrevaka ko koya na ka era sa vakatovolei kina na tawa cala.

²⁴ Sa soli ko vuravura ki na ligadra nai valavala ca: sa tabonaka ko koya na matadra na dauveilewai; kevaka e segai, sa qai evei, se ko cei ko koya?

²⁵ A sa qai totolo na noqu siga ka bera nai talaki e daucici; sa dro tani, ka sega ni kunea na ka vinaka.

²⁶ Sa lako tani yani me vaka na waqa dauqai: me vaka na ikeli sa vukaca na kena.

²⁷ Kevaka kaʼu sa kaya, kaʼu na guilecava na noqu didi, kaʼu na biuta na noqu mataveveku, ka vakalecataki mai:

²⁸ kaʼu sa qai kani yatequ e na vuku ni noqu rarawa kecega; kaʼu sa kila ni ko na sega ni vakadonui au.

²⁹ Au sai valavala ca, meʼu qai oca wale vakacava?

³⁰ Kevaka kaʼu sa vuluvulu e na wai ni uca-vulavula, ka vakasavasavataka na ligaqu e na vuso;

³¹ o na qai vakalomoci au ki na oruoru, ena qai vakasisilataki au na noqui sulu.

³² Ni sa sega ni tamata ko koya me vakataki au, meʼu vosa rawa vua, me keirau mai veilewai vata kaya:

³³ sa sega talega e dua na dautataro me tabaki keirau ruarua e na ligana.

³⁴ Me kauta tani mada vei au ko koya na nona kuita, ia me kakua ni vakadomobulataki au na nona veivakarerei:

³⁵ au na qai vosa, ka sega ni rerevaki koya; ia ka sa sega ni vakakina vei au.