Jemesa 2 - AI VOLA TABU

Me da kakua ni vakarokorokotaki ira na tamata vutuniyau ka beci ira era sa dravudravua, 1-13. Sa sega ni yaga me da vakararavi ki na noda vakabauta, kevaka eda sa sega ni valavala vinaka, 14-26.

¹ OI kemudou ua wekaqu, dou kakua ni taura vata na digitaki ira na tamata, kei na vakabauti Jisu Karisito, na noda Turaga sa vakarokorokotaki.

² Ia kevaka sa curu ki na nomudou vale-ni-lotu e dua ua tamata sa vakamama koula, e nai sulu vakaiukuuku, a sa curu talega kina na tamata dravudravua, e nai sulu ca;

³ ia dou sa vakarokorokotaki koya sa vakaisulu e nai sulu vakaiukuuku, ka kaya vua, Mo tiko e ua yasana vinaka o qo; ia dou sa kaya vua na tamata dravudravua, Mo mani tu yani kikea, se mai tiko e na ruku ni tutu-ni-yavaqu:

⁴ dou sa qai sega li ni ia na veidigitaki, ka sa yaco kina mo dou daulewa e ua vakasama ca?

⁵ Dou rogoca, oi kemudou na wekaqu lomani, Sa sega beka ni digitaki ira ko na Kalou era sa dravudravua e ua ka vakavuravura me ni vutuniyau e na vakabauta, me ra taukena talega na matanitu sa yalataka ko koya vei ira era sa lomani koya?

⁶ Ia dou sa beca ua tamata dravudravua. Era sa sega beka ni vakasaurarataki kemudou ko ira na vutuniyau, ka yarataki kemudou ki na veibure ni veilewai?

⁷ Era sa sega beka ni vosavakacacataka na yacana vakarokoroko dou sa vakatokai kina?

⁸ Kevaka dou na muria sara na vunau vakaturaga me vaka nai Vola, Mo lomana na kai nomu me vakataki iko, dou na qai caka vinaka:

⁹ ia kevaka dou sa digitaki ira na tamata, dou sa qai valavala ca, ka sa beitaka vei kemudou ko na vunau nai valavala ca.

¹⁰ Ia ko koya ena muria na vunau taucoko, ka cala ga e na tikina e dua bauga, sa beitaki me vaka sa talaidredre ki na ka kecega.

¹¹ Ni sai koya ga sa kaya, Kakua ni dauyalewa, sa kaya talega, Kakua ni laba. Ia kevaka ko sa sega ga ni dauyalewa, ia ko sa laba ga, o sa yaco kina mo talaidredre ki na vunau.

¹² Dou vosa vakakina, ka valavala vakakina, me vakataki ira era na lewai me vaka na vunau ni lalaga.

¹³ Ni na lewai ka tawa lomani, ko koya sa sega ni ia na loloma; ia na dauloloma sa rawa na veilewai.

¹⁴ Ena yaga vakacava, oi kemudou na w ekaqu, kevaka sa kaya e dua ni sa tu vua na vakabauta, kevaka sa sega vua na cakacaka! ena vakabulai koya beka na vakabauta?

¹⁵ Ia kevaka sa dua na veiwekani se yalewa se tagane sa sega na nonai sulu, ka sega na kena kakana sa yaga ki na siga,

¹⁶ ia ka dua vei kemudou sa kaya vei ira, Dou lako e na vakacegu, dou tatalai ka vakamamautaki; ia dou sa sega ga ni solia na veika e yaga ki na yagodra; a cava na betena?

¹⁷ Sa vaka talega kina na vakabauta kevaka sa sega ni tu vata kei na cakacaka, sa mate ga, ni sa tu duaduaga.

¹⁸ Ia ka sa dua beka e kaya, Sa tu ga vei iko na vakabauta, sa tu ga vei au na cakacaka; mo vakatakila mai vei au na nomu vakabauta ni sa sega ga na cakacaka, ia kaʼu na vakatakila vei iko na noqu vakabauta e na noqu cakacaka.

¹⁹ O sa vakabauta beka ni sa dua na Kalou; o sa caka vinaka: ia ko ira talega na tevoro era sa vakabauta, a ra sa sautaninini talega.

²⁰ O sa via kila beka, o iko na tamata sesewa, ni sa mate ga na vakabauta ni sa sega na cakacaka:

²¹ e sega beka ni vakadonui ko Eparaama na tamada e na vuku ni cakacaka, ni sa vakacabora na luvena ko Aisake e na dela ni cabocabo-ni-soro?

²² O sa raica beka ni sa veivuke na vakabauta kei na nona cakacaka, a sa taucoko sara mai na vakabauta e na vuku ni cakacaka?

²³ A sa vakayacori kina nai Vola o koya sa kaya, Sa vakabauta na Kalou ko Eparaama, a sa okati vua mei valavala dodonu; a sa vakatokai me Weka ni Kalou.

²⁴ O koya o qo dou sa raica kina ni sa vakadonui na tamata e na vuku ni cakacaka, a sa sega ga e na vuku ni vakabauta duaduaga.

²⁵ Sa vaka talega kina ko Reapi na yalewa ka dautagane, sa sega li ni vakadonui e na vuku ni cakacaka, ni sa vakacegui rau nai talaki, ka vakatala yani e na sala tani?

²⁶ Ni sa vaka na mate ni yago ni sa takali na yalo, sa vakakina na mate ni vakabauta ni sa takali na cakacaka.